Энэ мэдээ хуучирсан буюу 2021/11/30-нд нийтлэгдсэн мэдээ болно.

Замын-Үүд-Эрээн боомтын туршилтын тээвэрлэлт эхлүүлэх бэлтгэл хангахаар болов

Монгол, Хятадын хилийн Замын-Үүд-Эрээн боомтын ачаа тээврийн хөдөлгөөн хязгаарлаж буйтай холбогдуулан Гадаад харилцааны яамнаас шуурхай хурал зохион байгууллаа.

Хуралд Ерөнхий сайдын ажлын алба, Шадар сайдын ажлын алба, Сангийн яам, УУХҮЯ, ЗТХЯ, Боомтын үндэсний зөвлөл, Хилийн боомтын онцгой бүрэн эрхт захиргаа, Дорноговь аймгийн ЗДТГ, Замын-Үүд сумын ЗДТГ, Монгол Улсаас БНХАУ-д суугаа ЭСЯ, Хөх хот дахь Ерөнхий консулын газар, Эрээн хот дахь Консулын газрын дипломат ажилтнууд болон хилийн хяналт шалгалтын байгууллагын холбогдох албан тушаалтнууд оролцов.

Уулзалтыг ГХЯ-ны Төрийн нарийн бичгийн дарга Н.Анхбаяр ахалж, Замын-Үүд-Эрээн авто замын боомтын ачаа тээврийн хөдөлгөөнийг эхлүүлэх бэлтгэл, Замын-Үүд-Эрээн төмөр замын боомтын нөхцөл байдал, Монгол-Хятадын хилийн боомтод халдвар хамгааллын дэглэмийг чангатгах талаар хятадын талаас мэдэгдсэн асуудлыг хэлэлцэж, цаашид хэрэгжүүлэх ажил, үүссэн хүндрэл бэрхшээлийг даван туулах арга замын талаар санал солилцов.

Хоёр улсын хилийн дундын бүсэд Замын-Үүд-Эрээн авто замын боомтод байгуулсан чингэлэг ачих-буулгах сайжруулсан талбайн менежментийг хариуцах “Монголын төмөр зам” ХХК болон энэхүү талбайгаас Замын-Үүд авто замын боомт, гаалийн хяналтын талбай хүртэл тээвэрлэх “Монголын тээвэр зуучлагчдын нэгдсэн холбоо” ТББ-ын мэдээллийг сонслоо. Улмаар хятадын талтай тохиролцсон хугацаанд тус боомтын туршилтын тээвэрлэлт эхлүүлэхэд шаардлагатай ажлыг яаралтай гүйцэтгэж, бэлтгэл хангаж ажиллахаар болов.

УОК-ийн НШШ-ын дарга Б.Ууганбаяр: Гадаад руу аялахгүй байхыг зөвлөж байна!
УОК-ийн НШШ-ын дарга Б.Ууганбаяр: Гадаад руу аялахгүй байхыг зөвлөж байна!
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2021/11/30-нд нийтлэгдсэн мэдээ болно.