Авлигатай тэмцэх газраас дунд албан тушаалтнуудыг сүр дуулиантай баривчлан саатуулдаг жишиг тогтлоо. Хэсэг хугацааны дараа хэрэгт холбогдолгүйг нь тогтоон гаргадаг ч жинхэнэ “Юмны эзэн сумны занги” болсон жинхэнэ дарга нарт халдахгүй байгаагийн цаана юу байна вэ. Тухайлбал, нийслэлийн Мэргэжлийн хяналтын газрын Тамгын газрын дарга М.Баянмөнх, Байгаль орчин, уул уурхайн хяналтын хэлтсийн дарга Ж.Ганзориг нарыг тус газраас шалгаж байгаа юм. Гэтэл нийслэлийн Мэргэжлийн хяналтын газрын дарга Л.Эрдэнэчулууныг шалгаж байгаа гэх мэдээлэл огт алга. Энэхүү удаа дараагийн үйлдэлд эрхэм дарга ямар ч албан тушаал хашдаггүй мэт анхаарлын гадна үлдэх болов.

Үүний цаана асар том учир шалтгаан байгаа гэх хардлага нийгэмд бий боллоо. Тэд бараг л ажилчдынхаа халаасыг шалгахдаа тулж ажилладаг гэх Л.Эрдэнэчулууны нүднээс мултарч авлига авч чадах уу гэдэг асуудал бий. Тэр тусмаа Мэргэжлийн хяналтын газраас байгуулсан барилга, байгууламж ашиглалтад оруулах комиссыг эрхэм дарга хараанаасаа салгана гэдэгт хэн итгэх юм. Энэ мэргэшсэн авгай энэ мэт зүйлийг хараанаасаа салгахгүй гэдгийг салбарынхан ч ярьж байна. Нөгөө талаар Л.Эрдэнэчулуун дарга алба хаагчдаа өмнөө барьдаг, гэмт хэрэгт түлхдэг гэх хардлага дагуулаад зогсохгүй тэднийг шалгагдаж байхад нь ажлаас халах тушаал гаргадаг аж. Уг нь шалгагдсан гэх нөхдийг Монгол Улсын шүүх гэм буруутай эсэхийг тогтоогоогүй байхад хэлстийн дарга М.Баянмөнхийг энэ сарын 5 ны өдөр ажлаас нь чөлөөлөх тухай тушаал гаргажээ.

Замын Үүд боомтод үүсээд байгаа нөхцөл байдлыг сайжруулах зорилготой Л.Эрданэчулуун дарга томилогдон явж байсан нь саяхан. Гэтэл тус боомтод нөхцөл байдал дээрдээгүй, улам бүр дор дордон, өдгөө авлига хээл хахуульдаа баригдаж, зарим албан тушаалтнуудыг цагдаагийн байгууллага, Авлигатай тэмцэх газраас баривчлан шалгасан. Улмаар Замын Үүд сумын Авто тээврийн газрын дарга А.Хатансайхан тэргүүтэй нөхдийг ажлаас чөлөөлсөн гээд олон зүйлийг дурдаж болно. Ийнхүү Л.Эрдэнэчулуун дарга хаа явсан газартаа авлигын хэрэг бий болгож, өөрөө түүнээсээ сугарч үлдэхийн тулд бусдыг өмнөө барьдаг юм биш биз гэх хардлага бий. Эцэст нь өөрөөсөө бүр холдуулахын тулд ажлаас нь халдаг жишиг бий болов уу. Мэргэжлийн хяналтын газар Шадар сайдын багцад хамаардаг. Тэгэхээр Шадар сайд С.Амарсайхан өөрийнхөө харъяанд байх нийслэлийн Мэргэжлийн хяналтын газрын дарга Л.Эрдэнэчулуунд анхаарал хандуулаач. Яахаараа тус газрын алба хаагчид байнга хэрэг төвөгт орж, дарга нь “Энхийн цагаан тагтаа” байсаар байх вэ?

Л.Эрдэнэчулуун дарга яах аргагүй энэ тал дээр мэргэшсэн нэгэн гэдгийг өнгөрсөн бүх үйл явдлаас харж болно.

Tumen.mn