Энэ мэдээ хуучирсан буюу 2022/01/17-нд нийтлэгдсэн мэдээ болно.

Бусдыг гүтгэн гүжирдсэн Монголын үндэсний олон нийтийн телевизийг шүүхэд өгнө

Дүрслэх урлагийн академийн багш, зураач Б.Нямхүү болон залилангийн хэргээр цагдаагийн байгууллагад шалгагдаж буй Э.Нинжин нар нь БШУЯ-ны үүдэнд тус сургуулийн захирал Д.Уранчимэгийг огцруулахыг шаардаж, жагсаал хийсэн билээ. Д.Уранчимэг захирлыг тэрээр “Мэргэжлийн бус, ёс зүйгүй” хэмээн МҮОНТ-ийн ММ агентлагийн эфирийг ашиглан орон даяар гутаан доромжилж, илтэд нэг талыг барьсан тэнцвэргүй мэдээллийг олон нийтийн статустай Үндэсний телевиз ч ямар нэгэн хяналтгүйгээр цацаж, бусдын албан тушаалын болон хувь хүний алдар хүндэд ноцтойгоор халдав. Олон нийтийн телевизийн эфирт Д.Нямхүү дураараа дургиж буйн гол учир нь түүний эхнэр Т.Амармэнд нь МҮОНТ-ийн Соёл, урлагийн редакцид ажилладаг бөгөөд нөхрийнхөө зохион байгуулсан жагсаалыг эрх мэдлээ ашиглан, дэмжсэн нь энэ бололтой. Гэтэл тэдний орон даяар “мэргэжлийн бус” хэмээн цоллосон Д.Уранчимэг нь Монголдоо төдийгүй дэлхийд урлаг судлалаар мэргэшсэн тоотой хэдэн эрдэмтний нэг аж. Тэрээр ОХУ-д Репиний нэрэмжит Уран зургийн академийг урлаг судлаач мэргэжлээр бакалавр, магистр зэрэгтэй төгсч, улмаар ХБНГУ-ын Людвигсбург хотын Соёл урлагийн менежментийн сургуульд магистр, үргэлжлүүлээд тус сургуульд докторын зэрэг хамгаалсан, орос, англи, герман, франц хэлтэй, манай улсдаа урдаа барих урлаг судлаач, доктор, професор хүн аж. Түүгээр ч барахгүй Д.Уранчимэг нь 2018 оноос өнөөг хүртэл Европын урлагийн сургуулиудын холбооны Удирдах зөвлөлд Ази тивээс сонгогдсон цор ганц төлөөлөгч юм. Орос, англи, герман хэл дээр онолын номоо бичдэг, дэлхийн урлагийн түүх болон онолыг англи, герман хэлнээс монгол хэл рүүгээ хөрвүүлэн хүргэж буй удирдах ажилтныхаа зэрэгцээ эрдэм номын мөр хөөсөн эрдэмтэн хүн юм байна.

Мөн Б.Нямхүү нь Д.Уранчимэгийг ёс зүйгүй, багш оюутнуудаа дарамталдаг, оюутнуудын диплом худалдаж хувьдаа завшдаг, Удирдах зөвлөлөө хуралдуулдаггүй гэх мэтээр айл болгоны хойморт залардаг МҮОНТ-ийн дэлгэцийг ашиглан дураараа гүтгэжээ. Үнэн хэрэгтээ Д.Уранчимэгийг захирлын албан тушаалыг авахад сургуулийн хэмжээнд архидалт ихтэй, ажлын цагаа ашигладаггүй, оюутнуудын бүтээлийг худалддаг, оюутнуудаа дарамталдаг гэх мэт бусармаг явдал их байсан байна. Ингээд тэрээр “Оюутнуудын бүтээлийг худалдах журам” гаргаж, ажлын байран дээрх архидалтыг зогсоосон аж. Бусдыг ёс зүйгүй, дарамтлагч хэмээн гүтгэж буй Б.Нямхүү өөрөө багш хүний ёс зүйд үл нийцэх маш ноцтой алдаа гарган бусдыг дарамталсан байдаг. 2017 онд Д.Нямхүү ажлын байран дээрээ архидан согтуурч, удаа дараа оюутнуудаа айлган сүрдүүлж, агсам тавьж байсан гэнэ. Улмаар оюутан охиныг цохиж зодон, уран зургийн том шугамаар толгой руу нь шигтгэж, машиныхаа түлхүүрийг биед нь зоон танхайрч байсан байна. Хохирогч охин хичээлдээ явахаас татгалзсанаар ар гэрээс нь сургуулийн удирдлагад гомдол гаргаж, ажлаас нь чөлөөлөхийг хүсч, өргөдөл гаргажээ.

Харин Б.Нямхүү тухайн үед БШУЯ-ны Их, дээд сургууль хариуцсан мэргэжилтнээр ажиллаж байсан хадам эгчийнхээ нэр нөлөөгөөр ажилдаа үлдэж байсан гэнэ. Өөрөө багш хүний ёс зүй, суртахуунгүй атлаа өрөөл бусдыг эхнэрийнхээ эрх мэдлийг ашиглан, Үндэсний телевизийн эфирээр гутаан доромжилсон Б.Нямхүү болон захиалгаар хэт нэг талыг барьж, үндэслэлгүй мэдээлэл орон даяар цацсан Үндэсний телевизийг Дүрслэх урлагийн академийн зүгээс байгууллагын нэр хүндэд халдсан хэмээн шүүхэд хандахаар болжээ.

Эрдэнэт үйлдвэр ажилчдадаа сар шинийн баярын өмнө 13 дахь сарын цалин олгоно
Электрон тамхины найрлага дахь бодисууд
Энэ мэдээ хуучирсан буюу 2022/01/17-нд нийтлэгдсэн мэдээ болно.
  1. Зочин

    Mongol TV, central TV гээл өчнөөн л шинэ сайхан тв үүд байна. Үндэсний тв-д сар бүр хураалгадаг 1100 төгрөгөө өгмөөргүй байна. Худлаа хов үзэх гэж мөнгө төлж, үнэн худал нь мэдэгдэхгүй мэдээ гүтгэлэг үзэж суумааргүй л байна. Шүүхэд өгсөн нь зөв.

  2. Хөөрхий үндэсний тв

    Үндэсний ТВ-д үзэх ч юм гардаггүй. Одоо бүр шар мэдээ, ховоор эфирийн цагаа хаадаг болжээ хөөрхий. Өрөвдөлтэй юм. Үүнээс өөр сэдэв зөндөө л байна. Түмэнд хэрэгтэй мэдээ гаргаасай ММ.

  3. Үнэн

    Зан харилцааны доголдол ихтэй доод албан тушаалтантайгаа дээрэлхүү хүн ёсоор харьцдаг. Олон улсад зөвшөөрөгдсөн юм бхгүй шүү.

  4. Зочин

    Уранчимэг гуйа одоо болио. Дүрслэхийн сургууль чиний аувийн урлан биш. Оюутан багш нарын Бүтээлүүдийг 8,9 жил зарж амьжиргаагаа залгууллаа.

  5. Болор

    Үндэсний ТВ цензуртэй хандаж баймаар юм ямар шар мэдэний сайт байгааа биш Бодлого зарчим нь хэт алдагдаад байгаа шшүүүү