Энэ мэдээ хуучирсан буюу 2022/02/21-нд нийтлэгдсэн мэдээ болно.

ДЭМБ-аас илүү аюултай вирус гарч болзошгүйг анхааруулжээ

Дэлхийн Эрүүл Мэндийн Байгууллагын (ДЭМБ) Ерөнхий захирал Тедрос Аданом Гебрейесус коронавирусийн халдварын илүү аюултай хэлбэр гарч болох магадлал байгааг зарлав. Энэ тухай “ТАСС” агентлаг мэдээллээ.

А.Гебрейесус “Өнөөдөр дэлхий дахинд COVID-19-ийн илүү халдвартай, аюултай хувилбар гарч ирэх хамгийн тохиромжтой нөхцөл бүрдлээ” хэмээн онцолсон юм. Тэрбээр цааш нь “Зарим улс орнуудад вакцинжуулалт өндөр хувьтай явж байна. Омикрон вирус нь өвчний хүнд хэлбэрийг үүсгэдэггүй. Тиймээс цар тахал дууслаа гэсэн яриа гарахад хүргэсэн. Гэсэн хэдий ч цар тахал дусах болоогүй байна. Иргэд сонор сэрэмжээ алдаж болохгүй” гэж тэмдэглэв. Үүний зэрэгцээ, дэлхийн хамтын нийгэмлэг энэ жил коронавирусийн тахлыг зогсоох "хэрэгсэл, ноу-хау" байгааг А.Гебрейесус ярьжээ. Өмнө нь А.Гебрейесус коронавирусийн халдварын омикрон вирус хурдацтай тархаж, дэлхий даяар халдвар авсан хүмүүсийн нас баралт нэмэгдэж байгаад санаа зовж байгаагаа илэрхийлсэн. Нас баралт нэмэгдэж байгаатай холбогдуулан улс орнуудад хязгаарлалтыг цуцлахгүй байхыг зөвлөж байжээ.

З.Батцэцэг

Эх сурвалж: “Зууны мэдээ” сонин

“Хөх сувд-2022” мөсний баярын бэлтгэл 50 хувьтай байна
“Хөх сувд-2022” мөсний баярын бэлтгэл 50 хувьтай байна
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2022/02/21-нд нийтлэгдсэн мэдээ болно.