Цар тахлын улмаас хоёр жил "завсарласан" Үндэсний баяр наадам, Ардын хувьсгалын 100 жилийн ойг энэ жил нөхөн тэмдэглэнэ гэдэг хүлээлт нийгэмд үүсээд буй.
2020 онд баяр наадмыг үзэгчгүйгээр зохион байгуулж, үндэсний бөхийн барилдааныг "13-р зуун" цогцолбороос шууд дамжуулж байсан.
Харин 2021 онд буюу Ардын хувьсгалын 100 жилийн ойгоор Засгийн газраас Үндэсний их баяр наадмыг хойшлуулах шийдвэр гаргаж байсан юм.
Шадар сайдаар ахлуулсан Баяр наадам зохион байгуулах комисс наадмаас хоёр сар орчмын өмнө Үндэсний их баяр наадмын хөтөлбөрийн ерөнхий найруулагчийг сонгон шалгаруулж, томилдог уламжлалтай. Тухайлбал, 2019 оны тавдугаар сарын 10-ны өдөр наадмын ерөнхий найруулагчийг сонгож, олон нийтэд мэдээлж байсан билээ.
Тэгвэл өнөөдрийн байдлаар баяр наадмын ерөнхий найруулагч тодорхой болоогүй байна. Харин "Фантастик" продакшны найруулагч Б.Тамирыг сонгохоор яригдаж байгаа гэх мэдээлэл байна.
