Засгийн газрын сайд нар 25 тэрбумын зоорийг төрд “шахахад“ гар бие оролцсон гэв үү

Чингис хаан банк Нийгмийн даатгалын санд 99 тэрбум төгрөгийн өртэй. Энэхүү өрөндөө зоорь өгөхөөр болсон талаар НДЕГ-ын дарга Д.Зоригт мэдэгдсэн билээ. Харин энэхүү зоорийг 25 тэрбумаар үнэлж төрд өгөхөөр болсон юм. Гэтэл олон тэрбумаар үнэлсэн тус зоорийн бодит өртөг 6 тэрбум төгрөг болох нь хэвлэл мэдээллээр ил болж, олон нийтийн шүүмжлэлийг дагуулаад буй.

Тэгвэл Чингис хаан банкны Нийгмийн даатгалын сангийн өрөндөө өгөхөөр болсон тус зоорийн дуулиан үгээр дуусахгүй нь. Түүний цаана Сангийн сайд Б.Жавхлан холбоотой байж болох мэдээлэл гарч эхэллээ. Тодруулбал. 25 тэрбумаар төрд шахсан гэх зоорь нь Сангийн сайд Б.Жавхлангийн эхнэр А.Соёлмаатай холбоотой болох нь ил болжээ.

Бодит өртөг нь 6 тэрбумын үнэ бүхий зоорийг 25 тэрбум болтол нь өсгөж төрд шахсан Чингис хаан банкны охин компани “ОСМ агро трейдинг” ХХК нь Сангийн сайд Б.Жавхлангийн эхнэр А.Соёлмаагийн “Ньюгоби гейт” ХХК-ийн хаягт давхар бүртгэлтэй гэдэг нь баримттай гарч ирсэн байна. Өөрөөр хэлбэл, А.Соёлмаагийн “Ньюгоби гейт” ХХК нь Хан-Уул дүүргийн XI хороо, С-17 тоот хаяг дээр бүртгэлтэй байдаг аж. Гэтэл төрд зоорь шахсан “ОСМ агро трейдинг” ХХК болон мөн “Органик солюшнс монголия агро” ХХК гэх хоёр компани дээрх хаягт давхар бүртгэлтэй байгааг доорх баримтаас харж болохоор байна.

“ОСМ агро трейдинг” ХХК нь Чингис хаан банкны газар тариалан, хөдөө аж ахуй, хүнсний салбарын бизнесийг хариуцдаг байна. Тиймээс компани Нийгмийн даатгалын ерөнхий газарт 14 мянган тонн хүнсний ногоо хадгалах багтаамж бүхий зоорийг 25 тэрбум төгрөгөөр өгөхөөр болсон байна. Харин энэхүү компани нь Сангийн сайдын эхнэрийн компанитай холбоотой байгаа нь ийнхүү олон нийтийн анхаарлын төвд орлоо.

Хамгийн гол нь, энэ дуулиан ганц Б.Жавхлан сайдтай холбогдохгүй, хүрээгээ тэлж, Чингис хаан банкны хүнсний ногооны зоорийг нийслэлийн өмчит авах асуудлыг Хүнс хөдөө аж ахуй, хөнгөн үйлдвэрийн яам буюу З.Мэндсайхан сайд Засгийн газрын хуралдаанд оруулж, улмаар Засгийн газрын 2021 оны арваннэгдүгээр сарын 3-ны өдрийн хуралдаанаар хэлэлцэн шийдвэрлэсэн байдаг. Ингэхдээ зоорь худалдан авах хөрөнгийг Монголбанкнаас гаргахаар тохиролцож, тус ажлыг З.Мэндсайхан сайд ахлахаар болсон байна. Нэг үгээр бол, Б.Жавхлан сайдын эхнэрийн нэр дээрх компаниас гадна шийдвэр гаргах төвшинд З.Мэндсайхан сайд оройлон оролцож, үүнийг нь ч Монголбанк өөгшүүлсэн гэж харж болохоор байна.

“Дулааны улирал эхэлсэнтэй холбоотойгоор зуслангийн бүсэд хогийн цэг үүсэж байна“
Ганц хормын уураа тэвчье
Сэтгэгдэл (4)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Иргэн

    Ёстой шийдсэн хулгайч нар байнадаа бүгдийг огцоруул

  2. Болод

    Итгэх итгэл алга ооо Сангийн сайд нь ийм байхад яахх юм бэээ Чаавасс

  3. uu pizdaa hudlushgui notloh barimt bn

    uu pizda ingeheer hen ene zasgiin gazart itgehiin bee. Ovoo gaigui yum uu gej bodtol iim l bn shdee pisda

  4. Иргэн

    Бузарын хулгайч нар. Төрд ажил хийх хүн байхгүй ээ. Бүгд мэргэшсэн хулгайчид. Хулгайч хүний хуруу л хөдөлж шунал нь буцалж байгаа.