Газрын багц хуультай холбоотойгоор Барилга, хот байгуулалтын сайд Ц.Даваасүрэн мэдээлэл хийлээ.
Тэрбээр “УИХ-д өргөн барьсан байгаа Газрын тухай долоон багц хуулийн төслийг эргүүлэн татахаар шийдлээ. Ерөнхий төлөвлөлт хийгдсэний дараа, мөн газрын хуультай холбоотой шүүмжилж буй асуудлуудыг шийдээд, сайжруулаад эргэж хэлэлцүүлэхээр боллоо. Газрын багц хууль дээр бэлчээртэй холбоотой асуудлуудыг сайн шийдээгүй байна гэх зүйлс бий. Нэг жишээ хэлэхэд , хөдөө орон нутгийн иргэд өнөөдөр газраа хамгаалахын тулд хэрэглэдэг ганц арга нь тусгай хэрэгцээнд авах байдаг. Үүнийг нь газрын газрын хуулиар байхгүй болгочихсон юм” хэмээв.
Нийслэлийн Ерөнхий төлөвлөлттэй холбоотой асуудлаар Ерөнхий сайдтай санал солилцлоо. Энэ хүрээнд нийслэлийн гэр хорооллын дахин төлөвлөлт, түгжрэлийн асуудлаар тодорхой шийдвэр гаргаж, алхам хийх, 2040 он хүртэл нийслэлийг хөгжүүлэх төлөвлөгөөг энэ ондоо багтаан батлуулах шийдэлд хүрлээ. Нийслэлийн гол асуудал бол газрын асуудал. Тиймээс өргөн барьсан хуультай уялдуулан. Төлөвлөлт хийгдсэн газар газар олгодог болох шийдэлд хүрсэн. Тиймээс УИХ-д өргөн барьсан Газрын багц хуулийн төслийг эргүүлэн татаж, нийслэлийн ерөнхий төлөвлөлтийг хийж, төлөвлөлтийн дагуу шинэ газар олголт хийхээр болсон.
Нийслэлийн замуудын төлөвлөлт хийгдэнэ. Тухайлбал Сэлбийн гол дагуу, Туулын гол дагуу зам тавигдана. Яармагийн замыг өөр замтай холбох төлөвлөлт хийгдэнэ. Гэхдээ энэ бүгд төслийн хүрээнд яригдаж байгаа ба эцэслэн батлагдаагүй зүйлс" гэв.
Мөн улсын хэмжээнд 5800 гаруй барилга байгууламж пастортгүй. Дээрх барилгуудыг нэн даруй үзлэгт хамруулж, 4-5 дугаар сард эдгээр барилга байгууламжуудад газар хөдлөлттэй холбоотой судалгаа хийх шийдвэрийг өнөөдөр гаргалаа. Мөн байшин барилгууд дээр газар хөдлөлттэй холбоотой судалгаа хийхээс гадна Хятадаас орж ирж буй арматурт стандартын шаардлага хангаж байгаа эсэхийг лабораторид шинжлүүлнэ гэж салбарын сайд хэллээ.
