Улаанбаатар хотын даац хэтэрсэн, дээр нь тээврийн хэрэгслийн тоо өдрөөс өдөрт нэмэгдэж байгаа энэ үед яах аргагүй тодорхой зохион байгуулалт хэрэгтэй. Тиймээс Авто тээврийн үндэсний төвөөс нэгэн зөв уриалга гаргажээ. Тухайлбал, нийслэлд жилээс жилд тээврийн хэрэгслүүд нэмэгдэж, хөдөлгөөний нягтрал замын түгжрэл ихсэж байна. Албан газар үйлчилгээний төвүүд орон сууцны гадаах автомашин зогсоол хүрэлцээ муу байгаагаас болж автомашин эзэмшигч нар бие биенийхээ тээврийн хэрэгслийг хааж тавих, гарц шугам дээр зогсох, орцны үүд хаалга хаах зэрэг нь иргэдийн бухимдлыг үүсгээд байгаа.

Одоогийн байдлаар энэхүү асуудлаас үүдэж, Авто тээврийн нэгдсэн лавлах 1900-1234 тусгай дугаарт өдөрт дунджаар 4500 орчим дуудлага ирдгээс 65 хувь нь машин хаасан замын хөдөлгөөнд саад учруулсан дуудлага ирдэг байна.

Тиймээс Авто тээврийн үндэсний төвөөс иргэд, жолооч бүхэнд утасны дугаараа тээврийн хэрэгслийн урд талын салхины шилэн дээр бусдад харагдахуйц газар үлдээж бусдад хүндэтгэлтэй хандахыг уриалжээ. Хэрвээ иргэн таны утасны дугаар солигдсон тохиолдолд жил бүрийн техникийн хяналтын үзлэгт хамрагдах үедээ эсвэл бүртгэлийн салбарууд дээр өөрийн биеэр болон лавлах 1900-1234 тусгай дугаарт холдогдон тээврийн хэрэгслийн бүртгэлтэй утасны дугаараа одооашиглаж байгаа холбогдох утасны дугаараар өөрчлүүлэх боломжтой гэжээ. Өнөөдөр Улаанбаатар хотын хувьд зохицож амьдрахгүй бол төвлөрөл хэрээс хэтэрсэн. Хотын түгжрэлийг сааруулах Үндсэний хороо хүртэл байгуулаад ажиллаж байгаа энэ цагт нийт иргэд, жолооч нар нөхцөл байдал сайжиртал нэг нэгэндээ хүндэтгэлтэй хандахыг Авто тээврийн газраас уриалж байгаа нь сайн хэрэг. Машиныхаа шилэн дээр өөрийн гар утасны дугаарыг байрлуулахад ямар нэг илүү зардал хэрэггүйг иргэн та ойлгож байгаа байх. Энэ нь яах аргагүй өнөөгийн нөхцөл байдалд уялдсан уриалга гэдгийг санаарай.