Монголын Сагсан бөмбөгийн холбооны Үндэсний дээд лигийн аварга шалгаруулах тэмцээн өндөрлөж, Эрдэнэт хот буюу Орхон аймгийн “Эрдэнэт Майнерс” баг аваргаар шалгарлаа. Лигийн аваргаар тодроод буй “Эрдэнэт Майнерс” багийг “Эрдэнэс Тавантолгой” компанийн Гүйцэтгэх захирал асан Б.Ганхуяг эх суурийг нь тавьж, үүсгэн байгуулсан аж. Үндэсний Дээд лигийн аварга болсон Эрдэнэт хотын багийнханд Монгол Улсын Ерөнхийлөгч У.Хүрэлсүх аваргын цом гардуулж өгсөн нь түүхэн үйл явдал боллоо гэдгийг спортын салбарынхан үнэлж байна.

Үүгээр ч зогсохгүй эрдэнэтчүүд “Дэлхийн бусад лигийн аварга багууд хотдоо хийдэг баярын парад Эрдэнэт хотод ёслол төгөлдөр болно гэдэгт итгэж байна” хэмээн дор бүрнээ жиргэжээ. Монгол Улсад сагсан бөмбөгийн спорт хөгжиж буй төрөлдөө ордог ч Азийн хэмжээнд улсынхаа нэрийг дуурсгах болсон. Цаашлаад дэлхийн хэмжээнд шөвгөрч тоглох боломж байгааг ч мэргэжилтнүүүд дурдаж байна. Энэ үеэр сагсан бөмбөгийн тамирчид болон хорхойтнууд “Сүүлийн үед сагсан бөмбөгийн спорт хурдтай хөгжиж байгаа нь “Эрдэнэс Тавантолгой” компанийн Гүйцэтгэх захирал асан Б.Ганхуяг нарын спортод элэгтэй олон хүний үнэтэй хувь нэмэр юм шүү” гэдгийг онцлон дурдлаа.

Tumen.mn