БНХАУ-ын Монгол Улстай хиллэдэг хамгийн том хуурай замын боомт болох Эрээн-Замын- Үүдийн төмөр замын шалган нэвтрүүлэх боомтын ачаа тээвэрлэлтийн хэмжээ 10 сая тоннд хүрч дээд амжилт тогтоожээ. Эрээн-Замын үүд боомт нь Хятад-Монгол-Оросын эдийн засгийн чухал коридороос гадна Хятад-Европ чиглэлийн төмөр замын ачаа тээврийн чухал гарц юм. Мөн Монголоор дамжин өнгөрөх Хятад-Европ чиглэлийн галт тэрэгний тоо 27 хувиар өсжээ. ӨМӨЗО-ны гаалийн мэдээгээр, 2023 он гарснаас хойш Хятад-Европ чиглэлийн нийт 1800 гаруй ачааны галт тэрэг Эрээн-Замын үүд боомтоор нэвтэрч Монголоор дамжин Европт хүрчээ. Энэ тоо өнгөрсөн оны мөн үеээс 27.37 хувиар өссөн байна.