Энэ мэдээ хуучирсан буюу 2023/09/19-нд нийтлэгдсэн мэдээ болно.

Гишүүн П.Анужинг бие төлөөлөгч нь “өрөөндөө виски нуусныг чинь илчилнэ” хэмээн 3 сая төгрөг нэхжээ

Ийм нэгэн “айхтар” хэрэг гарсан нь саяхан ил болжээ. УИХ-ын гишүүн Ц.Анандбазар “хүмүүс гишүүнээс айхаа больжээ” хэмээн гомдоллож байсан нь үнэн аж. Манай “хүчирхэг” эмэгтэй гишүүдийн нэг П.Анужин бие төлөөлөгчдөө дарамтлуулаад сүйд болох шахсан байна. Түүний ажлын алба нь нэг туслах, нэг зөвлөх, хоёр бие төлөөлөгчийн орон тоотой гэнэ. Ингээд нэг бие төлөөлөгчийн сул орон тоондоо залуу хүн авахаар шийдэж “Ананд адвокадс” хуулийн фирмийн Амарбатаар дамжуулан 2022 онд МУИС-ийн Хууль зүйн сургуулийн төгссөн Батбаатартай уулзжээ. Танилцах уулзалт Засгийн газрын ордны зүүн талын Галерей дэлгүүр доторх “Caffe Bene”-д болсон гэнэ. Ийнхүү Батбаатарыг ажилд авчээ. Гэхдээ тэрээр ердөө 10-аадхан хоног ажиллаад халагдсан. Учир нь ажлын албаныхан түүнийг ажлын бүтээмж муу, хувцаслалт, биеэ авч яваа байдал нь бие төлөөлөгч байх боломжгүй, шаардлага хангахгүй байна гэж үзжээ. Ялангуяа үсний засалт нь таалагдаагүй гэнэ. Ажлаас гарахдаа ажлын албыг удирддаг зөвлөхтэй нь тар түр гээд авчээ. Батбаатар ажилласан найм хоногийн цалингаа аваад явсан ч удалгүй П.Анужингийн утас руу “...**** данс руу хурдан 3,0 сая төгрөг хийхгүй бол өрөөндөө нуусан виски, дэлгүүр хэссэн, ажилтай гээд гадагшаа явсан, мөнгө завшсан баримт бичлэг зургийг чинь дэлгэнэ шүү...” гэсэн мессеж явуулж дарамталжээ. Нийтдээ гурван мессэж явуулсан гэнэ. Айсан гишүүн бушуухан цагдаад ханджээ. Мөн сэтгэцийг нь шалгаж өгөхийг хүсжээ. Мөрдөн байцаалтын явцад гишүүний өрөөнд виски бус харин ус, ундаа ёогурт, чихэр байдаг нь тогтоогджээ. Дэлгүүр хэсээгүй, мөн ажлаа хаяад гадаад яваагүй нь батлагджээ. УИХ-ын болон харьяалагддаг Байнгын хорооны хуралдаа бүрэн суусан гэх баримт авагдсан. Ингээд экс бие төлөөлөгч залууг бусдын эд хөрөнгийг авахаар заналхийлсэн хэмээн 10 сая төгрөгөөр торгожээ.

Нисэх, Яармаг чиглэлийн автобус өглөө 06:00 цагаас явна
Нисэх, Яармаг чиглэлийн автобус өглөө 06:00 цагаас явна
 
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа