Энэ мэдээ хуучирсан буюу 2023/11/20-нд нийтлэгдсэн мэдээ болно.

Иран улсаас төрөл бүрийн жимс, ногоо импортолно

Исламын Бүгд Найрамдах Иран Улс монгол хонины махны гол худалдан авагчдын нэг. Монголын эко, амт чанар сайтай махыг өндрөөр үнэлэгддэг.

Хоёр улсын Засгийн газар хоорондын агаарын болон автотээврийн харилцааны хэлэлцээрийг Зам, тээврийн хөгжлийн сайд С.Бямбацогт, Иран Улсаас Монгол Улсад хавсран суух Элчин сайд Мохсен Бахтиар нар ойрын хугацаанд эцэслэн тохиролцохоор болов.

Ингэснээр Монгол Улсаас хонины махыг шинээр нь экспортолж, Иран улсаас төрөл бүрийн жимс, ногоо болон хөнгөн үйлдвэрийн бүтээгдэхүүн хурдан шуурхай импортолно.

Автотээврийн хувьд Монгол Улс болон БНХАУ, ОХУ-аас Иран руу дөт замаар холбогдох юм.

Иран Улсын Бандар Аббас боомтоор дамжуулан Монгол Улсын баруун бүсийн экспорт, импорт, транзит ачаа барааг шууд тээвэрлэдэг болно.

Автотээврийн харилцааны хэлэлцээрийг баталснаар Европ-Турк-Иран-БНХАУ (Өрөмч)-Монгол (Ховд), холимог тээврээр Европ-Турк-Иран (Бандар Аббас боомт)-БНХАУ (Тяньжин боомт)-Монгол Улсын Замын-Үүд боомт гэсэн гарцтай болох юм хэмээн ЗТХЯ-наас мэдээлжээ.

“Хүч”-ийг нь Х.Баттулга авчихлаа, ард нь АН-д юу болох вэ?!
“Хүч”-ийг нь Х.Баттулга авчихлаа, ард нь АН-д юу болох вэ?!
 
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа