АН, “Шударга ёс” эвслийн хамтарсан Засгийн газарт Түлш, эрчим хүчний дэд сайдаар ажиллаж байсан Д.Доржпүрэвийг 2016 онд эрүүгийн хуулийн 148.4, 166.1.2 гэх хоёр ч зүйл ангиар буруутган шалгаж байв. Түүний мөнгө завшиж орсон гарсан компанийн нэр, данс тооцоо нь байхад ямар нэг ял зэмгүй 2020 онд хэргийг нь хэрэгсэхгүй болгосон нь цаанаа учиртай байх.

Түүний Сэлхэд барьж буй “Хоймор” хаус хорооллын бүтээн байгуулалтад оруулсан санхүүгийн эх үүсвэрийг шалгах хэрэгтэй. Яагаад гэхээр “Хоймор” хаус хорооллыг босгосон мөнгө нь “ДЦС-3” ТӨХК-ийн хүчин чадлыг 50 мегаваттаар өргөтгөх төсөлд “Чингис” бондоос авсан 35 сая ам.долларын санхүүжилтээс орсон байх магадлалтай.

Учир нь Д.Доржпүрэв Түлш, эрчим хүчний дэд сайдаар ажиллаж байхдаа эрх мэдэл, албан тушаалаа хэтрүүлэн, хятадын “Hunan industrial equipment installation” гэх компанид “Чингис” бондын мөнгөнөөс төслийн хоёр дахь шатны санхүүжилт болох долоон сая ам.долларыг шилжүүлээд, өөрийнхөө байгуулсан “Фин сервис” банк бус санхүүгийн байгууллагын дансаар буцаан авсан гэх үйлдэл нь нэгэнт ил болсон шүү дээ. Тиймээс уг долоон сая ам.доллараас “Хоймор” хаус хорооллыг босгоход ямар нэгэн хэмжээгээр нөлөө үзүүлсэн байж болзошгүй. Уг хаус хорооллын өмнөх ба одоогийн санхүүжилтийн эх үүсвэрийг шалгаж захиалагчийн эрх ашгийг хамгаалах нь шударга ёсонд нийцэх төдийгүй үүсэх олон хохирлоос сэргийлэх болно.