“Пэпси Алтан цом бүх оддын барилдаан” гуравдугаар сарын 16-ны өдөр болсон. Уг барилдааныг Монголын үндэсний бөхийг хөгжүүлэх зорилгоор Premier sport суваг, Үндэсний алтан цом, Монголын Үндэсний бөхийн холбоо зэрэг байгууллагууд хамтран зохион байгуулсан.

Уг барилдаанд нийт 14 бөх барилдсан бөгөөд зохион байгуулахдаа эдгээр бөхчүүдэд өгөх шагнал урамшууллаа зохион байгуулагчид урьдчилж тохирчээ. Гэсэн ч одоог хүртэл өгөх ёстой шагналаа өгөөгүй байгаа тухай Улсын аварга Н.Батсуурь нүүр хуудсаараа дамжуулан мэдээллээ.

Тэрбээр “тэд өнөөдрийг хүртэл бөхчүүдийн эрх ашгийг хамгаалах ямар нэг үйлдэл гаргаагүй. Бөхчүүд өөрсдийн эрх ашгийг хамгаалж, дуу хоолойгоо нэгтгэн барилдаан зохион байгуулсан нэр бүхий байгууллагууд уг асуудлыг яаралтай шийдвэрлэж, бөхчүүдийн эрх ашгийг хангөж өгөхийг шаардаж байна” гэжээ