Дэлгэцийн донтолт нь бие махбод болоод сэтгэцийн эрүүл мэндэд сөргөөр нөлөөлж, улмаар тухайн хүн нийгмээс өөрийгөө тусгаарлан, сэтгэл хөдлөлгүй болж хувирдаг байна.

Нийслэлийн Хүүхэд, гэр бүлийн хөгжил, хамгааллын газраас Дэлгэцийн хэрэглээ хэдэн насанд хэдэн цаг байвал зохимжтой байхыг мэдээллээ.

Тодруулбал, 6 сар хүртэлх нярайд дэлгэц огт үзүүлж болохгүй, харин 6 сартайгаас 2 ой хүртэл эцэг эх, асран хамгаалагчийн хяналт дор дүрсээ харж ярих үед л хэрэглэж болох аж.

Түүнчлэн 2-5 настай хүүхэд өдөрт 30 минут, бага ангийн сурагчид 1 цаг хүртэл л хэрэглэх боломжтой. Харин өсвөр нас болон насанд хүрэгчид тодорхой заасан хугацааг баримтлахгүй бол өдөрт 5 цагаас дээш хэрэглэвэл дэлгэцийн донтолт үүсдэг байна.

Та бүхэн дэлгэцийн зохистой хэрэглээг дэмжиж өөрийгөө болон гэр бүлийн гишүүдийнхээ эрүүл мэндийг хамгаалаарай.