Сонгуулийн ерөнхий хорооны хуралдаанаар саналын хуудасны загварыг эцэслэн шийдвэрлэлээ. Энэ удаагийн сонгууль нь холимог тогтолцоогоор явах тул саналын хуудсыг сонгогчдод аль болох ойлгомжтой байхад анхаарч сонгуульд оролцогч бүх талуудаас нээлттэй санал авлаа. Зарим намуудаас шаардлага ч ирүүлсэн. Энэ бүгдийг хэлэлцэж, хуульд заасны дагуу хоёр хэсэгтэй байхаар тодорхойлсон. 126 гишүүнээс 48 гишүүнийг сонгох пропорцианаль санал тэмдэглэх хэсэг байна. Мөн 78 гишүүнийг мажоритор санал тэмдэглэх хэсэгтэй байна гэж СЕХ-оос мэдээллээ.

Саналын хуудсанд намууд УДШ-д бүртгүүлсэн дарааллаараа бичигдэх бөгөөд эвслийн хувьд тухайн эвсэлд орсон намаас аль нь түрүүлж УДШ-д бүртгүүлсэн байна тухайн бүртгэлийг нь харгалзаж хаана бичигдэхийг шийдэх юм байна. Харин намаас нэр дэвшиж байгаа хүмүүсийн тухайд тухайн нам эвсэл нь нэр дэвшигчийнхээ хэнийг нь эхэнд бичих, хойно бичихийг өөрсдөө шийдвэх гэнэ.

-10 мандаттай тойрогт нэг сонгогч саналын хуудсыг төхөөрөмжид уншуулах хугацаа нь 38 секунд байх юм байна. Хоёр мандаттай тойрогт сонгогч саналын хуудсыг төхөөрөмжид уншуулахад 22 секунд зарцуулах тооцоолол гарчээ.

-10 мандаттай тойргийн нэг саналын хуудас 38 инч буюу 78,7 см урттай байна.

-2 мандаттай тойргийн нэг саналын хуудас 27,9 см урттай байна.

-Настай хүмүүс харахгүй байх магадлалтай учраас томруулдаг шил авсан.

-Саналын хуудаст намыг дугуйлахдаа нэг л намыг дугуйлна.

-Нэр дэвшигчийг илүү эсвэл дутуу дугуйлбал саналын хуудас хүчингүй болно.