Иргэдэд 45.3 тэрбумын хохирол учруулсан “Бэлтэс мөрөн“ ХХK-ийг өнөөдөр шүүнэ

Чингэлтэй дүүргийн прокурорын газраас яллах дүгнэлт үйлдсэн “Бэлтэс мөрөн” ХХК-д холбогдох хэргийн шүүх хуралдаан Хөвсгөл аймаг дахь сум дундын эрүүгийн хэргийн анхан шатны шүүхэд дөрөвдүгээр сарын 17-нд эхэлсэн. Гэсэн ч яллагдагчийн өмгөөлөгч нараас гаргасан хүсэлтийн дагуу 2024 оны тавдугаар сарын 27-ны өдөр хүртэл буюу өнөөдөр болгож хойшлуулсан байна.

“Бэлтэс мөрөн” ХХК-ийн удирдлага зэрэг нэр бүхий есөн яллагдагчид авсан таслан сэргийлэх арга хэмжээг өөрчилж, цагдан хорих таслан сэргийлэх арга хэмжээ аваад байгаа юм.

Өмнөх шүүх хуралдаанд улсын яллагч цахимаар 3, шинжээч цахимаар 1, нэр бүхий хохирогч, хохирогчийн хууль ёсны төлөөлөгч 430, хохирогч нарын өмгөөлөгч, биечлэн 1, цахимаар 3, яллагдагч нарын өмгөөлөгч 0, нэр бүхий 18 иргэний нэхэмжлэгч, шүүх хуралдааныг хөндлөнгөөс 57 ажиглагч оролцсон байна.

Цагдаагийн байгууллагын мөрдөн шалгах ажиллагааны явцад тус компани 13 мянга гаруй иргэнээс мөнгө татан төвлөрүүлж, 2549 иргэнд 45.3 тэрбум төгрөгийн хохирол учруулсан нь тогтоогдсон билээ. Ташрамд дурьдахад, "Бэлтэс мөрөн" ХХК-ийг аав С.Ганбаатар, ээж Р.Бузмаа, охин Г.Нямдэлгэр нар хамтран байгуулж, үйл ажиллагаа явуулж байсан юм.

Онцгойн албан хаагчид 7 хоногт 37 иргэний амь насыг авран хамгаалжээ
Онцгойн албан хаагчид 7 хоногт 37 иргэний амь насыг авран хамгаалжээ
 
Монгол Ардын нам сонгуулийн зардлын явцын тайлангаа ҮАГ-т өгөв
Монгол Ардын нам сонгуулийн зардлын явцын тайлангаа ҮАГ-т өгөв