УИХ-ын сонгуулийн 11 дүгээр тойрогт НИТХ дахь МАН-ын бүлгийн гишүүн, төлөөлөгч, СХД-ийн Засаг дарга Н.Алтаншагай нэр дэвшиж байгаа.
Засаг дарга Н.Алтаншагайтай холбоотой таагүй мэдээлэл өнгөрсөн хугацаанд бараг л гарч байгаагүй гэхэд хэтрүүлсэн болохгүй. Ер нь бол мерит зарчимаар дээшилсэн гэх тодотгол түүнийг дагадаг. Сонгинохайрхан бол хүн ам ихтэй, шийдэх асуудал арвинтай дүүрэг, хэзээний.
Түүнчлэн Н.Алтаншагай 2020 онд Засаг даргын ажлаа хүлээн авахдаа, Монгол Улсын хүн амын 10 хувь нь амьдран суудаг том дүүрэг, томоохон Засаг захиргааны нэгжийг удирдах өндөр хариуцлагатай ажилд хууль журмыг баримтлан, дүүргийнхээ болон иргэдийнхээ өмнө тулгамдсан асуудлуудыг хурдтай, эрчтэй шийдвэрлэн ажиллахаа илэрхийлж байсан.
Сонгинохайрхан дүүрэгт 2020-2024 онд хийгдсэн онцлох ажлуудыг харахад, Н.Алтаншагай нь ам, ажлын зөрүүгүй нэгэн болох нь харагдаж байна. Түүнийг Засаг даргаар ажилласан 4 жилд Сонгинохайрхан дүүрэгт хийгдсэн онцлох бүтээн байгуулалтуудын заримаас нэрлэе.
-2024 оны дөрөвдүгээр сарын 25-нд Хүүхэд, залуучуудын театр үүдээ нээж Сонгинохайрханчууд төдийгүй Улс даяар түүхэн өдөр тохиосон юм.
-Сонгинохайрхан дүүрэгт 35 жилийн дараа олон улсын стандартад нийцсэн гурван том эмнэлэг ашиглалтад оров.
-“Согинохайрхан нэгдсэн эмнэлэг” 200 ортой
-“Эрүүл мэндийн төв”-ийн 7 давхар өргөтгөл
-“Баянхошуу салбар амбулатори
-Дүүрэг 2020 онд 10699 ширхэг буюу 40 хувийн гэрэлтүүлэгтэй байсан бол 2024 онд гэрэлтүүлэг хоёр дахин нэмэгдэж 23800 ширхэг болж 95 хувьд хүрээд байна.
- Дүүргийн хэмжээнд 2020 онд 21 сургууль 24,550 хүүхдийн хүчин чадалтай үйл ажиллагаа явуулдаг байсан бол 2024 оны байдлаар 28 сургууль 30450 хүүхдийн хүчин чадалтай болоод байна.
Энэ нь 2020-2024 оны хооронд нийт 7 шинэ сургууль, 1 сургуулийн өргөтгөл шинээр баригдаж 5691 хүүхдийн суудлаар нэмэгдлээ.
- Сонгинохайрхан дүүрэг 2020 онд төрийн өмчийн 42 цэцэрлэгтэй байсан бол 2024 оны байдлаар шинээр 25 цэцэрлэг ашиглалтад орж 67 цэцэрлэгтэй үйл ажиллагаа явуулж байна.
Мөн 2024 онд 22, 23, 25, 27, 28, 29, 33, 34, 40, 42, 43 дугаар хороодод дахин 14 цэцэрлэг баригдаж байгаа ба хүчин чадал нь 3,125 суудлаар нэмэгдэнэ.
-Сонгинохайрхан дүүргийн нутгийн захиргааны ордны есөн давхарт гэрлэх ёслолын өргөөг байгуулах ажлыг санаачлан 2023 оны тавдугаар сард ашиглалтад орсон.
-Анх 2021 оны гуравдугаар сард гарааш чөлөөлөх ажлыг санаачлан эхлүүлж Сонгинохайрхан дүүргийн хэмжээнд 2021-2024 оны хооронд зөвшөөрөлгүй 2558 ширхэг гарааш, чингэлгийг буулгасан. Тус талбайг нийтийн эзэмшилд шилжүүлэн авч, авто зогсоол, тоглоомын талбай, дугуйн зам, явган зам, гэрэлтүүлэг, ногоон байгууламж бүхий бүтээн байгуулалтыг хийсэн.
-Сонгинохайрхан дүүрэг 2020 онд 214.09 км авто замтай байсан бол 2024 онд 51.1 км-ээр нэмэгдэж 265.1 км хатуу хучилттай авто замтай боллоо. Цаашид 28 байршилд буюу 1, 2, 3, 5, 6, 20, 22, 26, 32, 33, 34, 35, 36, 39, 41, 42, 43 дугаар хороодын нутаг дэвсгэрийг дайран өнгөрөх 22,4 км авто зам тавигдахаар төлөвлөгдсөн.
-Сонгинохайрхан дүүргийн Толгойт бүсийг Гэмтлийн эмнэлгийн авто замтай холбох гүүрэн байгууламжтай 3,6 км авто замын ажил 2023 оны дөрөвдүгээр сард эхэлсэн. Авто зам тавихад 323 айлын газрыг чөлөөлж бүтээн байгуулалт хийгдэж байна.
-Сонгинохайрхан дүүргийн төсвийн хөрөнгө оруулалтаар 1,2,8,11,18,19,20,27-2,33 дугаар хорооны 10 байршилд жишиг автобусны буудлыг байршууллаа.
-Сонгинохайрхан дүүрэг 2020 онд 11,53 км үерийн далан байсан бол 2024 оны хооронд 8,38 км-ээр нэмэгдэж нийт 20 км үерийн далантай болсон. Цаашид 1,2,3,4,5,9,24,25,26,27,35,40,41,42 дугаар хороог дамнасан 44,9 км далан шуудуу хийхээр төлөвлөгдсөн ба зураг төслийн ажил үргэлжилж байна.
-Баянхошуу дэд төвд Сонгинохайрхан дүүргийн 7, 8, 9, 10, 11, 28, 40 дүгээр хороонд нийт 162 га газарт авто зам, үерийн далан, цэцэрлэг, спорт цогцолбор, бизнес инкубатор, сургалтын төв, эрүүл мэндийн төв, дэд станц болон инженерийн дэд бүтцийн бүтээн байгуулалтайгаар хийгдэж байна.
-Нийслэл, дүүргийн төсвийн хөрөнгө оруулалтаар 2020-2024 оны хооронд 23 байршилд 3х3 стандартын дагуу сагсан бөмбөгийн талбай байгууллаа. Цаашид 11, 13, 14, 23, 25, 28, 30, 41 дугаар хороодын 10 байршилд зориулалтын сагсан бөмбөгийн талбай байгуулагдахаар төлөвлөсөн байна.
Tumen.mn
