Хөлбөмбөгийн түүхэнд хосуудын анхны наймааг хийх үү?

Хос хөлбөмбөгчийг нэг багаас зэрэг өөр баг авсан тухай та өмнө нь дуулаагүй. Учир нь тийм түүх байхгүй. Магадгүй зүүдэндээ үзсэн байж болох ч бодит амьдрал дээр мэргэжлийн хөлбөмбөгт хэзээ ч болж байгаагүй наймааны, шинэ түүхийн эхлэлийг “Астон Вилла”-гийн хосууд болох Алиша Леманн, Дуглас Луис нар хийж тавьж магадгүй байна. 26 настай бразил хагас хамгаалагч Дуглас Луисийг Италийн “Ювентус” ихэд сонирхож, Уэстон Маккэнни болон Самуэль Айлинг нараар солилцоо хийе бодол тээж яваа ажээ.

Уг нь Дуглас Луисийгаа “Вилла” зармааргүй байсан ч санхүүгийн фэйр-плей зөрчсөнд тооцогдох гээд байгаа тул өндөр үнэтэй, өндөр цалинтай тоглогчдоосоо зарахаас өөр аргагүй болсон юм. Гэвч Итали руу явах болвол Дуглас Луис сэтгэлт бүсгүй, “Астон Вилла”-гийн эмэгтэйчүүдийн багт тоглодог Алиша Леманныгаа орхихгүй, хамт явна гэж бодож байгаа гэнэ. Леманн бол довтолгооны тоглогч. Швейцарийнхаа шигшээг чимдэг шаггүй алдартай хөлбөмбөгч. Тиймээс “Ювентус” хос хоёрыг хамтад нь авахаас сийхгүй бололтой. Тэгээд ч инстаграм 16 сая дагагчтай Леманныг авна гэдэг бол орчин цагт ашигтай л наймаа. Ийнхүү хосууд хамтдаа явах гээд, “Ювентус” хамтад нь авчих санаатай яриа хэлэлцээр эхлүүлээд буй сурагтай.

Tumen.mn

С.Амарсайхан: Бизнесийн орчин сайтай эхний 60 улсын нэг болгохыг зорьж байна
С.Амарсайхан: Бизнесийн орчин сайтай эхний 60 улсын нэг болгохыг зорьж байна
 
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ