Эрдэнэтчүүдийг залилсан гэх муу нэртэй Д.Алтанхуягийн “Зэс эрдэнийн хувь” компанийн олон мянган хувьцаа эзэмшигч иргэд хувьцаа эзэмшигчээс хасагджээ

Уулын баяжуулах Эрдэнэт үйлдвэрийн хүдрийн овоолгыг ашиглаж, катодын зэс олборлодог Зэс эрдэнийн хувь гэх компани бий. Уг компанийг АН-аас УИХ-ын сонгуульд Налайх, Багануур, Багахангай дүүргээс нэр дэвшигч Д.Алтанхуяг үүсгэн байгуулж байлаа. Тэрбээр уг компаниа байгуулахдаа Эрдэнэтийн 25 мянган иргэнээс 600 сая төгрөг босгож, хувьцаа эзэмшүүлнэ гэж байгуулж байв.

Гэвч 2010 онд түүний байгуулсан уг компани 10 жилийн хугацаанд ямар ч үйл ажиллагаа явуулаагүй байдаг. Үүнээс болж эрдэнэтчүүд эсэргүүцэл илэрхийлж, залилуулчихлаа гэж хэвлэлийн бага хурлыг удаа дараа хийж байлаа. Тухайн хугацаанд Эрдэнэтийн иргэд хувьцаанаасаа ашиг хүртэх нь бүү хэл түүнийг 600 сая төгрөг босгоод сонгуульд өрсөлдсөнийг мэдэгдэж байсан удаатай.

Д.Алтанхуяг Эрдэнэтэд 2012 онд ИЗНН, 2016 онд АН-аас нэр дэвшээд гарч чадаагүй байдаг. Түүнд залилуулсан гэгдэх Эрдэнэтийн иргэд түүнийг УИХ-ын сонгуульд нэр дэвшээд ирэхэд нь ингэж дүнгээ тавьж байлаа. Мөн Эрдэнэтэд очиж иргэдтэй уулзалт хийх үеэр нь иргэд эсэргүүцлээ илэрхийлж, түүнийг алгадаж, ус цацан хөөж байв.

Одоогоор “Зэс эрдэнийн хувь” гэх компанийнх нь нийт хувьцааны 70 хувийг Бльюмон металс ХХК эзэмшдэг бол 22 хувийг нь Эрдэнэтийн 25 мянга гаруй иргэд, 8 хувийг нь өөрөө эзэмшиж байгаа гэж Д.Алтанхуяг хэлдэг. Гэвч өнөөх 25 мянган иргэд бараг бүгд шахам тус компанийн хувьцаа эзэмшигчээс хасагдчихжээ.

Түүнийг “Зэс эрдэнийн хувь” гэх компаниа байгуулахдаа хувьцаа гэх хуурамч цаас тараасан гэж Эрдэнэтийн иргэд мэдэгдэж байв. Өдгөө өөрийгөө Эрдэнэтийн иргэдэд бараг бурхны ч хийж чадаагүй буян үйлдсэн гэж Багануур, Налайх, Багахангай дүүргийн иргэдэд танилцуулж яваа харагдана лээ.

Эрдэнэтээс хоёр ч удаа нэр дэвшээд сонгогдож чадалгүй хөөгдсөн, залилагч гэх муу хочийг нэрнийхээ өмнө хадаатай явдаг энэ хүн одоо өөр тойрогт горилж яваа нь түүнийг Эрдэнэтийнхэнд ямар үнэлгээтэйг нь илчилж буй хэрэг биз. Хэрэв тэрбээр үнэхээр Эрдэнэтийн иргэдэд Эрдэнэт Үйлдвэр ТӨҮГ-ын овоолгоос ашиг хүртээж, том үүд нээж чадсан бол өнөөдөр тойрог сэлгэн зугтахгүй нь тодорхой.

Саналын хуудас бөглөх ЗААВАР
Саналын хуудас бөглөх ЗААВАР
 
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ