МАН-ын Удирдах зөвлөлийн хурлаас гарсан зарим шийдвэрийн талаар УИХ-ын гишүүн С.Бямбацогт мэдээлэл өгөв.

УИХ-ын гишүүн С.Бямбацогт “УИХ-д суудалтай намуудтай зөвшилцөх ажлын хэсгийг байгууллаа. МАН-ын дарга Л.Оюун-Эрдэнэ, УИХ-ын дарга Д.Амарбаясгалан, МАН-ын Ерөнхий нарийн бичгийн даргын үүрэг гүйцэтгэгч Я.Содбаатар нараар ахлуулсан ажлыг хэсэг байгуулсан. Улс орны өмнө тулгамдсан асуудлуудыг хэрхэн яаж шийдвэрлэх талаар бусад намуудтай ярилцана. Улаанбаатар хотын түгжрэл, утааг бууруулах, шинэ хөдөө, үйлдвэржилт, бүсчилсэн хөгжил зэрэг асуудлыг ач холбогдлоор нь эрэмбэлж хамтарч ажиллах талаар ярилцана. Санал нэгдэж чадахгүй бол МАН дангаараа Засгийн газар байгуулна” гэв.