Олон улсын хүүхдийн эрхийг хамгаалах өдөрт зориулан Д.Сүхбаатарын талбайд зохион байгуулагдсан "Монгол хүүхдүүд 2024" хүндэтгэлийн үйл ажиллагааны тайзнаа Сонгинохайрхан дүүргийн төрийн өмчийн 28 сургуулийн 1000 сурагч морин хуур хөгжим эгшиглүүлж, эцэг эхчүүд, эмээ өвөө, эрдэмтэн багш нар, найз нөхөддөө бэлэг барилаа.

Монгол Улсын Ерөнхийлөгчийн 2024 оны 9 дүгээр зарлиг, Засгийн газрын 59 дүгээр тогтоолын хэрэгжүүлэлтийг хангах зорилгоор Соёлын яамны дэмжлэгтэйгээр нийслэлийн Соёл, урлагийн газраас санаачлан нийслэлийн Засаг даргын Тамгын газар, Сонгинохайрхан дүүргийн Засаг даргын Тамгын газар, Морин хуурын багш нарын холбоо ТББ-тай хамтран 50 гаруй хоногийн хугацаанд СХД-ийн ЕБС-ын 28 сургуулийн 1000 сурагчийг морин хуур хөгжмийн анхан шатны сургалтад хамруулан өнөөдөр Д.Сүхбаатарын талбайд морин хуур хөгжмийг эгшиглүүллээ.