Завхан аймгийн Отгон сумын 100 жилийн ойн баяр наадмын хүчит бөхийн барилдаанд Улсын харцага Т.Бэгзсүрэн учраа таарсан хүнээ савж унагаж буй бичлэг цахим сүлжээнд цацагдаж, олны дургүйцлийг хүргээд байсан.
Тэгвэл энэхүү үйлдлийг МҮБХ-ны Ёс зүй, сахилга, хариуцлагын зөвлөл наймдугаар сарын 30-ны өдрийн хурлаар хэлэлцжээ. Улмаар хэлэлцэн шийдвэрлэх хүртэл МҮБХ-ноос болон аймаг орон нутагт зохион байгуулагдах барилдаануудад барилдах эрхийг түр хугацаанд түдгэлзүүлжээ.
Тэрбээр өмнө нь допингийн хэрэгт холбогдож байсан бөгөөд дөрвөн жил барилдах эрхээ хасуулаад байсан ч өнгөрсөн тавдугаар сард түүний барилдах эрхийг буцаан сэргээсэн юм.
