"20 минутын хот" үндэсний хороо өнөөдөр анхны хурлаа хийлээ. Тус хурлаар Улаанбаатар хотын захирагч Х.Нямбаатарын мэдээллийг сонссон байна. Энэ хүрээнд хорооны гишүүд замын асуудлаар хуралджээ.

Уг хуралдаанаас гарсан зарим шийдвэрийг танилцуулах үеэр Хотын дарга Х.Нямбаатар сэтгүүлчийн асуусан асуултад хариулж,

"Нийслэлийн нийтийн тээвэрт явж байгаа төр хувийн хэвшлийн автобуснуудаас жолоочтой нь ЗГХЭГ, УИХ-ын тамгын газар хоёрт өгч байгаа. Өөрөөр хэлбэл эхний ээлжид есөн автобус бэлэн байна. Өнөөдөр чиглэл, маршрутаа тогтоод саарал ордонд байдаг бүх ажилтан, албан хаагчид хотын дөрвөн зүг найман зовхисоос ажилчдын автобусаар яваач ээ. Цалин дээр тавигддаг автобус, унааны мөнгийг нийслэлийн нийтийн тээврээс татаж аваад хувийн хэвшлийн аж ахуй нэгжүүдэд явсан цаг километрээр нь өгье гэж байгаа" гэв.