Монгол Улс, Өмнөд Солонгосын Ерөнхийлөгч Юн Сок Ёолтой дээд хэмжээний уулзалт хийх хүсэлтэй байгаагаа илэрхийллээ гэж БНСУ-ын mbiz сайт мэдээллээ.

Тодруулбал, Монгол Улсын Ерөнхийлөгчийн Тамгын газрын дарга Г.Занданшатар өнгөрсөн сарын 27-нд /2024.08.27/ Улаанбаатар дахь Новотел зочид буудалд болсон Солонгос-Монголын ирээдүйн стратегийн II чуулга уулзалтын өглөөний цайны уулзалтын үеэр Ерөнхийлөгч Юн Сок Ёолтой дээд хэмжээний уулзалт хийх хүсэлтэй байгааг илэрхийлсэн байна.

Тэрбээр “Солонгос, Монгол хоёр орны иргэдийн солилцоо идэвхтэй өрнөж байгаа энэ үед БНСУ-тай дээд хэмжээний уулзалт зохион байгуулж, Солонгос, Монгол хоёр орны харилцааг дорвитой бэхжүүлэх боломжийг бий болгоно гэдэгт итгэлтэй байна” гэжээ. Мөн ингэхдээ Францын Ерөнхийлөгч Эммануэль Макроны Монгол дахь дээд хэмжээний айлчлалыг дурдаж, үр дүнг тодотгожээ. Дэлгэрэнгүйг ЭНД ДАРЖ харна уу.