Сүхбаатар дүүргийн Засаг даргын Тамгын газрын даргын түр орлон гүйцэтгэгч Н.Одончимэгийг хахууль авч байхад нь АТГ-ын алба хаагчид аравдугаар сарын 17-ны өдөр үйлдэл дээрээ нь баривчилж, улмаар түүнийг нэг сарын хугацаатайгаар цагдан хорих таслан сэргийлэх арга хэмжээ авах шийдвэрийг Сүхбаатар дүүргийн Эрүүгийн хэргийн анхан шатны шүүх гаргасан байдаг.

Тэгвэл Н.Одончимэг нь өдгөө гадуур шалгагдаж байгаа аж.

Тодруулбал, Н.Одончимэгийг нэр сарын хугацаатайгаар цагдан хорих таслан сэргийлэх арга хэмжээ авсан шүүгчийн захирамжид тэрбээр гомдол гаргаж, Сүхбаатар дүүргийн Эрүүгийн хэргийн анхан шатны шүүхэд хандсан байна. Энэ дагуу өнгөрсөн аравдугаар сарын 22-ны өдөр түүнийг цагдан хорих таслан сэргийлэх арга хэмжээг өөрчилж, Монгол Улсын хилээр гарах болон Улаанбаатар хотын нутаг дэвсгэрээс гарахыг хориглох таслан сэргийлэх арга хэмжээ авчээ. Өдгөө түүнд холбогдох хэргийг мөрдөн шалгах ажиллагаа үргэлжилж байгаа аж.

Ташрамд өгүүлэхэд, прокуророос Н.Одончимэгийг Эрүүгийн хуулийн 22.4-2 буюу Нийтийн албан тушаалтан хахууль авах гэсэн зүйл ангиар яллагдагчаар татсан байдаг.