Тулаанч З.Шинэчагтга энэ сарын 02-ны өдөр Дөлгөөн нууранд байрлах хятад хоолны газраар үйлчлүүлэх үедээ согтуурч, буу гарган хамт явсан эмэгтэйгээ айлган сүрдүүлсэн талаарх мэдээлэл цахим сүлжээнд тавигдаад буй.

Тэгвэл энэ талаар тус хоолны газраас асуухад, “Ийм үйл явдал болсон нь үнэн. Хамт явсан эмэгтэй нь цагдаад дуудлага мэдээлэл өгсөн”гэсэн юм.

Харин Цагдаагийн Ерөнхий газраас энэ талаар тодруулахад, “2025 оны 01 дүгээр сарын 02-ны өдөр Сүхбаатар дүүргийн 9 дүгээр хорооны нутагт байрлах хятад хоолны газар иргэн З.Ш нь гар буу /үрлэн сумтай/ гарган танхайрсан асуудалд Зөрчлийн тухай хуулийн 5.2 дугаар зүйл “Танхайрах” заасны дагуу шалгалтын ажиллагааг явуулж, Шүүхээр 7-30 хоног баривчлах саналыг хүргүүлж, Дүүргийн эрүү, иргэний хялбаршуулсан шүүхээс 100 нэгжээр торгох шийтгэл оногдуулж шийдвэрлэсэн” гэлээ.