Монгол Улсын хүн амын суврага зөв бүтэцтэй, хүүхэд залуучуудын орон гэж ярьдаг хэллэг ард хоцорч байна. 1960-1980 онуудад төрөлт эрчимтэй өсч байгаад 1990 оноос эргээд буурсан. Энэ цикль эдийн засаг сэргэх үеэр буюу 2005, 2006 онд эргээд сэргэж байсан.

Гэтэл сүүлийн 4 жилийн туршид Монгол Улсад төрөлт эрс буурч байна.

2020 онд 76.3 мянган хүүхэд төрсөн бол 2024 оны байдлаар 32 хувиар буурч 57.8 мянган хүүхэд төржээ.

Үүнээс үзвэл,

- 2025 -2032 онуудад ЕБС-ийн ачаалал өндөр хэвээр байх болно

- 2030- 2031 оноос хойш ЕБС-ийн нэгдүгээр ангид элсэгчдийн тоо буурч эхлэх төлөвтэй байна. Энэ үеэс одоо баахан хэрүүл хийж төсвийг нь батлан барьж байгаа сургууль, цэцэрлэг мөн төрөх эмнэлгийн ачаалал эрс багасаж, зарим газар барилгыг нь өөр зориулалтаар ашиглах хэрэг ч гарч магадгүй.

Сөрөг үр дагавар нь 2040 оноос хойш манай улсын хөдөлмөрийн зах зээлд ажиллах хүчний хомсдол үүсэх өндөр эрсдэлтэй байна. Тэр үед хүн амд эзлэх ахмад настны тоо эрс нэмэгдэж, нийгмийн даатгалын сан ачааллаа даах уу гэдэг асуудал эсрэгээрээ хөндөгдөж эхлэх нь ээ.