ХБНГУ-н Коттбус хотноо 12 сарын 5-7 өдрүүдэд зохион байгуулагдсан "Cottbus cup" Олон улсын тэмцээнд Монгол улсаас таван тамирчин тулалдсанаас гурван алт, нэг хүрэл медаль хүртсэн бахдам сайхан амжилт гаргалаа. ОУХМ Э.Идэрхүү /56 кг/, СМ Ц.Отгон-Эрдэнэ /64 кг/, ОУХМ Б.Түвшинбат/69 кг/ нар алтан медаль хүртсэн бол ОУХМ Н.Шинэбаяр/75 кг/ хүрэл медаль хүртэлээ. Манай улсын багийн дасгалжуулагчаар ОУХМ Б.Эрдэнэбаяр, ОУХМ Бор Ганбаатар нар ажилласан бол шүүгчээр МБХ-ны 3 одтой шүүгч Ц.Даваасүрэн, багийн ахлагч Ц.Батнасан, багийн дарга Ц.Энхболд нар оролцлоо.

Монголын Боксын Холбоо нь 2014 оны сүүлийн Олон улсын тэмцээндээ амжилттай оролцож,ирж буй 2015 ондоо өндөр амжилт гаргах итгэл найдвартайгаар бэлтгэл сургуулиалтаа эрчимтэй хийж байна.

Эх сурвалж: Zaluu.com