Арабын Нэгдсэн Эмират улсын Аль-Айн хотод шатрын эмэгтэйчүүдийн Азийн аварга шалгаруулах тэмцээн үргэлжилж байна. Ази тивийн шилдэг 100 эмэгтэй шатарчин өрсөлдөж байгаагаас манай улсын шатарчин дэд мастер Б.Мөнгөнзул тэргүүлж эхэллээ.

Ингэснээр Монгол Улсаас Азийн шатрын аварга төрөх магадлал тун ойртсон гэсэн үг. Б.Мөнгөнзулын хувьд таван хожил, хоёр тэнцээ хийж Энэтхэгийн шатарчин Шрижа Шэшадритай адил 6,0 оноотой тэргүүлж эхэлсэн бол өчигдөр хоёр шатарчин наймдугаар өрөгт тоглохоор оноолт таарсан. Улмаар найман өргийн дараа Бат-Эрдэнийн Мөнгөнзул 7.0 оноотойгоор бусад оролцогчдоосоо тэргүүлж эхэллээ.

Харин өнөөдөр аваргын төлөө тоглоно. “Монгол хүнтэй тэр тусмаа морины төгсгөлд бүү ороо” гэж юутай үнэн үг вэ. Үүнийг тодотгож, баталж өгч байгаа нэгэн бол яахын аргагүй Монголын 20 настай, шилдэг шатарчин Б.Мөнгөнзул юм.