Зам, тээврийн яам, “Автотээврийн үндэсний төв” ТӨҮГ хамтран улс хоорондын ачаа тээвэрлэлт эрхлэгч аж ахуйн нэгжүүдэд зориулсан сургалтыг өнөөдөр зохион байгууллаа.

Сургалтад Зам, тээврийн яамны ТЗУГ-ын Хуулийн хэлтсийн дарга С.Мяндасмаа, “АТҮТ” ТӨҮГ-ын Ачаа тээврийн хэлтсийн дарга О.Энхбат, Монголын тээвэр холбоо газрын тосны ажилтны ҮЭ-үүдийн холбооны дарга М.Болдсайхан, судлаач, профессор Г.Адъяа нар хичээл заасан бөгөөд 198 аж ахуйн нэгж оролцжээ.

Сургалтыг нээсний дараа ТЗУГ-ын Хуулийн хэлтсийн дарга С.Мяндасмаа илтгэлдээ хамтын хэлэлцээр, хамтын гэрээ, дотоод журам, хөдөлмөрийн гэрээ зэргийг ялгааг тайлбарлан өгч, тус баримт бичгүүдэд тавигдах шаардлагын талаар тодорхой дурдлаа.

Тээврийн нэгдсэн системийн шинэчлэлтийн талаар “Автотээврийн үндэсний төв” ТӨҮГ-ийн Ачаа тээврийн хэлтсийн дарга О.Энхбат мэдээлэл хүргэлээ.

Монголын тээвэр холбоо газрын тосны ажилтны ҮЭ-үүдийн холбооны дарга М.Болдсайхан “Хамтын хэлэлцээрийн ач холбогдол” сэдвээр илтгэл тавилаа.

Тэрбээр хөдөлмөрийн эрх зүйн хэм хэмжээ тогтоосон актууд хоорондоо зөрчилдвөл ажилтанд илүү таатай нөхцөлийг олгосон зохицуулалтыг хэрэглэнэ гэдгийг онцлон тэмдэглэлээ.

Мөн автотээврийн салбарын хөдөлмөр, нийгмийн зөвшлийн гурван талт тарифийн хэлэлцээрийг танилцуулжээ.