Хичээлийн шинэ жил өнөөдөр /2025.09.01/ эхэлж, хүүхэд багачууд хичээл, сургуульдаа орлоо.

Тэгвэл эл өдрийг тохиолдуулан Монгол Улсын Ерөнхийлөгч У.Хүрэлсүх мэндчилгээ дэвшүүлжээ. Тэрбээр, "Эх орны ирээдүйн эзэд болсон хүүхэд багачууд, оюутан, сурагчид, эрдэм номын аянд хөтлөгч багш, сурган хүмүүжүүлэгчид, нийт эцэг эхчүүд Та бүхэнд хичээлийн шинэ жилийн баярын мэндийг хүргэе. Эх хэлээ дээдэлж явахыг эрхэмлэн захиж эрдмийн гэгээн үйлсэд нь өндөр амжилт хүсэн ерөөе" гэсэн байна. Сонирхуулахад, Ерөнхийлөгч У.Хүрэлсүх ШХАБ-ын уулзалтад оролцохоор БНХАУ-д хүрэлцэн очоод байгаа билээ.