Монгол Улсад хүн ам, орон сууцны завсрын тооллогыг 2025 онд бүртгэлд суурилсан аргаар зохион байгуулж байна. Иргэд “Хүн ам, орон сууцны завсрын тооллого-2025” судалгаанд E-Mongolia портал болон мобайл аппликэйшнээр дамжуулан оролцоно. Монгол Улсын иргэн та https://2025.mn холбоосоор нэвтэрч, хувь хүний болон өрхийн мэдээллээ шалгаарай. Мөн Үндэсний статистикийн хорооноос тооллогын мэдээллийн үнэн зөв, чанарыг сайжруулах зорилгоор хоёр сарын хугацаанд мэдээллээ тодруулах шаардлагатай иргэдтэй утсаар холбогдон ажиллаж байна.

Үндэсний статистикийн хорооноос мэдээллийг нэгдсэн байдлаар нэгтгэн боловсруулснаар Монгол Улсын хүн ам зүйн бүтэц, нийгэм, эдийн засгийн төлөв байдлыг үнэлэх чухал суурь тоон мэдээллийг бий болгоно. Монгол Улсын иргэн та бүхнийг “Хүн ам, орон сууцны-2025” завсрын тооллогодоо идэвхтэй хамрагдахыг Үндэсний статистикийн хорооноос уриалав.