Эрүүл мэндийн яамнаас амны хаалтаа тогтмол зүүхийг санууллаа.

Амны хаалтыг огт хэрэглээгүй тохиолдолд халдвар тархах эрсдэл маш өндөр бөгөөд амны хаалт тогтмол зүүснээр халдвар тархах эрсдэл багасна. Дэлхийн эрүүл мэндийн байгууллагын зүгээс амны хаалтыг зөв зүүх буюу шингээгч гадаргууг нь ам руугаа дотогш харуулан зүүж, амны хаалтаар хамрыг гүйцэд таглах, хүнтэй ярилцах үедээ амны хаалтыг авахгүй байх, өдөрт тогтмол цагаар амны хаалтаа солих зэргээр ашиглахыг ковидын үед анхааруулж байсан билээ.

Амны хаалт хэрэглэхэд анхаарах зүйлс:

• Зөв зүүх
• Зөв тайлах,
• 2 цаг тутамд болон бохирдсон тухай бүр солих,
• Зүүсэн амны хаалтны гадна хэсэгт аль болох гар хүрэхгүй байх,
• Нэг удаагийн амны хаалтыг бохирдсон тохиолдолд шууд хаях,
• Амны хаалт сольсны дараа гараа заавал савандаж угаах эсвэл спиртэн суурьтай гар халдваргүйжүүлэгч хэрэглэх,
• Даавуун амны хаалтыг солих бүртээ 40-өөс дээш хэмийн халуун усанд савандаж угааж, индүүдэх,
• Өдөрт дунджаар 4-5 ширхэг амны хаалт сольж хэрэглэх,
• Амны хаалт чийгтэй болсон даруйд шинээр солих,
• Цэвэр болон бохирдсон амны хаалтыг хольж болохгүй.