Монгол Улсын Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр, Төрийн нарийн бичгийн дарга И.Батхүү нар Нийслэлийн Засаг даргын Тамгын газарт ажиллаж байна.
Уулзалтын үеэр Нийслэлийн Засаг даргын Нэгдүгээр орлогч Т.Даваадалай Улаанбаатар хотод хэрэгжиж буй болон хэрэгжүүлэхээр төлөвлөсөн 16 мега төслийн явц, бодлого, зорилтын талаар дэлгэрэнгүй танилцуулга мэдээлэл өгөв. Эдгээр төслүүд нь нийслэлийн урт, дунд хугацааны хөгжлийг тодорхойлох, эдийн засгийн өсөлтийг дэмжих, иргэдийн амьдрах орчны чанарыг сайжруулахад чиглэж байгааг онцоллоо.
