Дотоодын цэргийн 05 дугаар ангид дахин гэмт хэрэг гарчээ. Тодруулбал, энэ сарын 9-нд хал цэргүүд хоорондоо зодолдож, бүр хайчаар нэгнээ сүлбэжээ. Цэргүүдийн маргаан нэгнээ матсанаас болсон гэнэ. Цэргийн ангидаа гар утас нууцаар хэрэглэж байгаад нэгнийгээ даргадаа матсан тухай хэвлэлүүд мэдээлжээ. Дүрэм зөрчсөн нөхдөд шийтгэл оногдуулснаар хоорондоо маргасан бололтой. Ийнхүү зодолдож, нэг нь нөгөөгөө хайчаар гуян тус газар нь хэд хэд сүлбэжээ.

Уг хэргийг Дотоодын цэргийн штаб болон цагдаагийн байгууллагаас ихэд нууцалж байгаа сурагтай.

Хамгийн ноцтой нь сар хүрэхгүйн өмнө Дотоодын цэргийн 05 дугаар ангид цэргүүд зодолдож, нэгнийхээ эрүүг гурав хугалсан. Хэрэг дөнгөж шалгагдаж эхэлж байхад дараагийн ноцтой хэрэг ингэж гарчээ.

2 сарын өмнө яг ийм хэргээр ХЗДХ-ийн сайд Б.Энхбаяр Дотоодын штабын дарга Р.Чингис, 05 дугаар ангийн дарга н.Манлайбаатар нарыг хариуцлага алдсан гэж ажлаас нь чөлөөлж байв. Р.Чингисийн оронд ЦЕГ-аас хурандаа Н.Лхагвасайханыг томилсон. Н.Лхагвасайхан нь Сүхбаатар аймгийн харьяат бөгөөд зүүн аймгаас гаралтай улстөрчидтэй нэлээд зузаан гэж яригддаг аж. Н.Лхагвасайхан Дотоодын цэргийн штабын даргаар томилогдоод сар гарангийн дотор хариуцсан ангид нь цэргүүд 2 удаа эрүүл мэндээрээ ноцтой хохирсон хэрэг гарлаа. Эдгээр нь зөвхөн ил болсон хэргүүд. Нэг өдөр цэрэг амиа алдвал яах вэ, Б.Энхбаяр сайд аа