Нийтийн албан тушаал хашиж буй зарим эрхмийн боловсролын талаарх мэдээлэл бодит эсэх нь олон нийтийн анхаарлын төвд байсаар ирсэн. Энэ удаа Хотын даргын зөвлөх Г.Батсайхан өөрийгөө Монгол Улсын Их Сургууль (МУИС)-ийг хууль эрхзүйн чиглэлээр төгссөн гэх худал болохыг МУИС тодорхойллоо.

Тодруулбал, МУИС-ийн зүгээс албан хүсэлтийн дагуу төгсөгчдийн мэдээллийн санд шүүлт хийхэд “Гомбосүрэн овогтой Батсайхан нь төгссөн талаарх мэдээлэл олдоогүй болно” гэж мэдэгдсэн байна. Өөрөөр хэлбэл, МУИС-ийн албан ёсны төгсөгчдийн бүртгэлд тухайн иргэн хууль эрхзүйн чиглэлээр суралцаж төгссөн гэх мэдээлэл одоогоор байхгүй гэсэн үг. Мөн тус сургууль шаардлагатай тохиолдолд дипломын дугаар, хуулбар, сурсан хөтөлбөр, төгссөн он зэрэг дэлгэрэнгүй мэдээллийг ирүүлбэл дахин нягталж шалгах боломжтойг дурдсан юм.