Иргэдийн санал гомдлыг хүлээн авч шийдвэрлэдэг “D.parliament”-д цалинтай ээжийн ₮50 мянгыг ₮500 мянга болгох өргөдөл санаачилж гарын үсэг цуглуулж эхэлжээ. Тус өргөдлийг Д.Төгс-Арвижих санаачилсан бөгөөд одоогоор 15,478 иргэн гарын үсэг зурсан байна.

Гурав хүртэлх насны хүүхдээ асарч буй ээжид төрөөс ₮50 мянгийг олгодог. Энэ нь одоогийн зах зээл, тэтгэмжийн харьцаа хамааралд огт нийцдэггүй бөгөөд сүү, живх авч хүрдэггүй учир нэмэх шаардлагатай гэж үзжээ. “D.parliament”-д өргөдөл оруулснаас хойш 30 хоногийн хугацаанд 100 мянган иргэн тус саналыг дэмжвэл УИХ-аар хэлэлцэгдэх журамтай.

Тус өргөдөлд санал авах хугацаа ирэх сарын 14-ний 17:41 цагт дуусах аж. Та цахим өргөдөлд гарын үсэг зурах бол энд дараарай.