Жил бүрийн 2 дугаар сарын 28-ны өдрийг “Үндэсний бахархалт амьтан мазаалай баавгайг хамгаалах өдөр” болгон тэмдэглэдэг уламжлалтай.

Энэхүү өдрийн хүрээнд Монгол орны говь, цөлийн экосистемийн хосгүй төлөөлөл, нэн ховор амьтан болох мазаалай баавгайг хамгаалах, түүний амьдрах орчныг хадгалан үлдэх, олон нийтийн экологийн боловсрол, оролцоог нэмэгдүүлэх зорилготой танин мэдэхүйн үйл ажиллагаа болно.

Байгаль орчин, уур амьсгалын өөрчлөлтийн яам болон Цэнгэг усны нөөц, байгаль хамгаалах төв хамтран зохион байгуулж буй энэхүү арга хэмжээ нь иргэдийн экологийн мэдлэгийг дээшлүүлэх, хүүхэд залуучуудад байгальд ээлтэй хандлага төлөвшүүлэхэд чиглэж байгаа юм.

Өдөрлөгийн үеэр:

• Мазаалай баавгайн гэрэл зургийн үзэсгэлэн
• Баримтат кино, видео танилцуулга
• Судалгааны үр дүн, мэдээлэл танилцуулах
• Хүүхэд, залуучуудад зориулсан танин мэдэхүйн хөгжөөнт тоглоом, хөтөлбөрүүд зэрэг олон талт үйл ажиллагаа болно.

Өдөрлөг Цэнгэг усны нөөц, байгаль хамгаалах төвд 2026.02.28 - 2026.03.06 өдрүүдэд болно.