УИХ-ын Төрийн байгуулалтын байнгын хорооны хурлаар Монгол Улсын Ерөнхийлөгчийн санаачилсан УИХ-ын гишүүнийг эгүүлэн татах хуулийн төслийг хэлэлцэхийг дэмжив.

Сонирхолтой нь төрсөн ах, экс зөвлөх нь гэмт хэрэгт холбогдсон ч гадаад руу оргон зайлж, мөн өөрөө хоёр ч эрүүгийн гэмт хэрэгт холбогдоод буй УИХ-ын гишүүн Л.Оюун-Эрдэнэ, гадаадын компаниас хууль бус хандив авсан хэргээр яллагдагчаар татагдаад байгаа УИХ-ын гишүүн Э.Болормаа нар уг хуулийг улайран эсэргүүцлээ.

Тэд парламентын дархлаа гэдэг үгийг эсэргүүцлийнхээ гол аргумент болгож буй ч ардчиллын мөн чанар нь чухамдаа хариуцлага байдгийг үгүйсгэж чадахгүй юм.

Нөгөөтэйгүүр эрүүгийн гэмт хэрэгт холбогдож, бүрэн эрхээ түтгэлзүүлэх эсэхээ шийдүүлэх гэж буй УИХ-ын гишүүд уг хуулийн хэлэлцүүлэгт оролцох нь сонирхлын зөрчил үүсгэж байгаа юм биш үү? гэдэг асуулт өөрийн эрхгүй тавигдаж байна.

Пүрэв гарагт болох УИХ-ын нэгдсэн чуулганаар УИХ-ын гишүүнийг эргүүлэн татдаг болгох хуулийн төслийг хэлэлцэн эцэслэн шийдэх юм.

Г.Есүй