Монгол Улсын эдийн засгийг тэтгэх нэгэн салаа судас болсон Автотээврийн газрын даргаар “Симба” Ц.Батаагийн дүү, Тод Манлай уяач Ц.Батсайхан томилогдсон цагаас хойш эдийн засгийг тэтгэх нэгэн судасны эргэлт татарсан гэхэд болно. Шалтгаан нь эрх ашгийн үүднээс хувьдаа завших, стратегийн гэж болох салбарын мэргэшсэн алба хаагчдыг халж, мэргэжлийн бус томилгоо хийх гэх мэт богино хугацаанд олон сөрөг зүйл болж өнгөрсөн нь энэ салбарыг уруудахад хүргэлээ.

Ц.Батсайхан юуны өмнө тэр автотээврийн салбарын мэдээлэл, зөвлөгөө өгөх зориулалттай 1900-1234 тусгай дугаарын төлбөрийг ямар ч үндэслэлгүйгээр нэмэгдүүлж, халааслахаас ажлаа эхэлсэн. Төрийн үйлчилгээний лавлах дугаарын үнэ тариф нь иргэдэд дарамт болохгүй, тогтмол байх ёстой зарчим зөрчиж, үүгээрээ Засгийн газрыг тогтоолыг сөрсөн том толгой.

Үүний дараа бүтцийн өөрчлөлт хийх нэрээр салбарынхаа мэргэшсэн 10 гаруй хэлтсийн дарга болон мэргэжилтнүүдийг шахаж дарамталж байгаад халчихав. Ингэхдээ тус бүрт нь 40.8-аас 50.4 сая төгрөгийн тэтгэмж, тусламж нэрээр олгож, тус байгууллагад 300 гаруй сая төгрөгийн хохирол учруулжээ. Уг нь нөгөө талд нь Төрөөс хэмнэлт зарлачихсан байхад бас л том толгой гаргасан. Энэ тухай байгууллагын шилэн дансанд бэлэн байж байхад дарга удирдлагууд ажлаа хийж энэ хүндээ арга хэмжээ ав л даа. Та нар хэмнэнэ, сайжруулна гээд явж байхад энд нэг хурган дарга дураараа дургиж байна ш дээ.

Харин мэргэшсэн алба хаагчдын оронд чөлөөнд гарсан прокурор, цагдаагийнханыг томилохын зэрэгцээ эмэгтэй ажилчдыг доромжилж, удахгүй жирэмсний амралтаа авах гэж байгаа эмэгтэйчүүдийг ажлаа өгөхийг шаардан дарамталжээ. Энэ тухай байгууллагынхан нь баримт нотолгоотой шүгэл үлээж эхэлсэн байхад яагаад энэ нөхрөө зайлуулахгүй байгаа юм.

Ерөнхий сайд Н.Учрал гэхэд Засгийн газрын өнөөдрийн хуралдаанаар төрийн албаны сул 3000 орон тоог царцаах үүргийг яам, аймаг, нийслэл, дүүрэг бүх шатны удирдлагуудад өгч байхад Ц.Батсайхан ганцаараа засгийн бодлогыг сөрж байна

Энэ мэт зүй бус үйлдэл өдүүлж байгаа Ц.Батсайханыг хэд хэдэн үзүүлэлтээр ажилдаа тэнцэхгүй хэмээн АТГ-аас албан ёсоор анхааруулж байсан ч тэр үл тоон ажиллаж, халаа сэлгээ хийж байгаагийн цаана томоохон хамгаалалт байна. Тиймээс Ерөнхий сайд Н.Учралын бодлогыг сөрж, улс орны эдийн засагт хэтдээ ихээхэн хор уршиг тарих энэ нөхрөө хурдхан зайлуулаач ээ.

Tumen.mn