2026-2027 оны хамтын үнийн хэлэлцээр, эрчим хүчний салбарын ажилтнуудын цалин хөлс, нийгмийн баталгааг хангах асуудлаар Монголын эрчим хүч, геологи, уул уурхайн үйлдвэрчний эвлэлийн холбооноос эрчим хүчний салбарт үүссэн асуудлаар 3-р сарын 19-нд Засгийн газарт шаардлага хүргүүлсэн. Эрчим хүчний салбарынхан хэлэлцээрт тулгуурлан, цалинг 30 хүртэлх болон түүнээс дээш хувиар нэмэгдүүлэх, мөн цалин тооцох итгэлцүүрийг хууль, дүрэм журмын дагуу тооцдог болох гэх мэт 12 заалт бүхий санал гаргасан ч хэлэлцээрт хүрээгүй тул ажилт хаялт зарлахаа мэдэгдэж байсан юм.

Тэгвэл өнгөрсөн хугацаанд Эрчим хүчний салбарын ажилчид шаардлагынхаа үр дүнд хүрээгүй тул өнөөдрөөс Сүхбаатарын талбайд жагсаж эхэллээ. Цаашлаад монголын эрчим хүч, геологи, уул уурхайн үйдвэрчний эвлэлийн холбоо холбогдох хууль тогтоомжийн дагуу эрчим хүчний салбарын ажилтнуудаас ажил хаялт зарлах эсэх санал асуулга явуулж эхэлжээ.

Энэхүү жагсаалаар тус холбооноос эрчим хүчний салбарын алдагдлыг ажилтан хүн үүрэх ёсгүй гэсэн байр суурь илэрхийлж, салбарын хэмжээнд ажил хаялтад хүрэх эрсдэлт нөхцөл байдал үүсээд байгааг анхааралдаа авч ажиллахыг хүсэж, УИХ, Засгийн газарт хугацаатай шаардлага хүргүүллээ. Тус холбооны төлөөлөл тус салбарын шинээр томилогдсон сайд Б.Найдалаатай уулзалт хийсэн бөгөөд эрчим хүчний салбарын ажилтнуудын цалин хөлсийг нэмэгдүүлэх боломжгүй бөгөөд 600 орчим тэрбум төгрөгийн алдагдалтай ажиллаж байгаа тул салбарын төсөв, хөрөнгө оруулалтыг шийдвэрлэхээс өөр гарц байхгүй хэмээн мэдэгдээд буй юм.