“Улаанбаатар орон сууцжуулалт” ХХК-ийн Гүйцэтгэх захирал З.Төмөртөмөө цахим хуудсандаа өөрийн саналаа илэрхийлжээ. Тэрээр 2 орцтой 4-н давхар байшин нураахад 300 сая төгрөг ч багадна. Захын дүүргүүдэд хүн амьдрах ямар ч боломж, бололцоогүй болсон нийтийн зориулалттай орон сууцнуудыг дахин төлөвлөж төсөл хэрэгжүүлэхэд 30-н удаа зарлаад нэг ч компани оролцоогүй тохиолдол ч бий. Ер нь дахин төлөвлөлтийн ажил хоосон газар тоосго өрөхөөс тэс өөр. Тиймээс мэддэггүй зүйлээ мэддэг мэт шүүмжлэх хэрэггүй болов уу. Хотын дарга дахин төлөвлөлтийн ажилд онцгой анхаарал хандуулж буйд ажил хариуцсан хүний хувьд талархалтай байгаа. Иргэдийн орчныг сайжруулахад тэдний сэтгэлгээ ч дагаад өөрчлөгдөнө. Дээрээс нь иргэд эрүүл аюулгүй орчинд амьдрах үндсэн хуулиар олгогдсон эрхтэй. Нэгхэн хүнээс болж 56 өрх шинэ байранд орох нь хойшлогдож, төсөл хэрэгжүүлэгч компани санхүүгийн асар өндөр хохирол учирч буй тохиолдлыг ч бид бүгдээрээ харж байгаа !!! Хот байгуулалтын хуулинд тодорхой өөрчлөлт зайлшгүй хэрэгтэй байгаа гэжээ.