Нийслэлийн төсөл, хөтөлбөрүүдтэй холбоотойгоор хууль хяналтын байгууллагад шалгагдаж буй НЗД-ын орлогч Т.Даваадалай өөрийн хүсэлтээр ажлаа өгөхөөр болсон билээ. Тэгвэл түүний халааг Нийслэлийн Хөрөнгө Оруулалтын газрын дарга Б.Мөнхбат үргэлжлүүлэхээр болжээ.

Б.Мөнхбат нь физик, байгаль шинжлэлийн багш мэргэжилтэй. Нийслэлийн хөрөнгө оруулалтын газрын даргын суудалд олон жил тухалсан төдийгүй Чингэлтэй дүүргийн засаг даргаар ажиллаж байжээ. Түүнийг төрөөс төрсөн баячуудын нэг гэлцдэг аж. Учир нь нэг жилийн дотор түүний орлого 88 саяас 240 сая болж өсөж байв.

Ажлын туршлагын хувьд,

• 2002-2004 онд Чингэлтэй дүүргийн 23 дугаар сургуульд Физикийн багш,
• 2004-2008 онд Чингэлтэй дүүргийн ЗДТГ мэргэжилтэн,
• 2008-2009 онд Чингэлтэй дүүргийн Боловсролын хэлтсийн дарга,
• 2009-2011 онд Чингэлтэй дүүргийн засаг даргын Нийгмийн хэлтсийн дарга,
• 2011-2013 онд Сүхбаатар дүүргийн ЗДТГ-ын дарга,
• 2013-2013 онд Чингэлтэй дүүргийн ЗДТГ-ын дарга,
• 2013-2016 онд Чингэлтэй дүүргийн Засаг даргын орлогчоор ажиллаж байжээ.

Хөрөнгө орлогын мэдүүлэг:

Жилийн орлого: 240 сая төгрөг

Гэр бүлийн орлого: 472 сая төгрөг

Орон сууц: 709 сая төгрөгийн үнэ бүхий нийтийн орон сууц /1ш/

Мал: 978 сая төгрөг /98 адуу, 16 үхэр, 57 хурдан удмын адуутай/

Газар: 4 сая төгрөг /0.7 га дөрвөн газартай/

Хадгаламж: 108 сая төгрөг

Зээл: 300 сая төгрөг

Үнэт эдлэл: 88 сая төгрөг