Өөдөө дээшээ явахад биесээ урмаар тэтгэж уруудаж тэнхэлгүй явахад өргөөд дэмнээд явах өөдрөг хийморь, өрнүүн сэтгэлтэй амьдарцгаая. Учир нь бид нэг үндэстэн, элэг нэгт Монголчууд.

Эх оронч, хүмүүнлэг үйлст Монголчуудын “Мөрөөдлийн зүг” бүлгэмээс Солонгос дахь Монголчууддаа хандан  уриалга гаргасан байна.  Уриалгад, Монголын сагсан бөмбөгийн шигшээ эмэгтэй баг маань өөрсдийн зардал хоёр сая төгрөгөөр ирж Азийн Олимпт оролцсон бөгөөд  эрэгтэй баг хамтдаа түүхэндээ сайхан амжилтыг үзүүлж байгааг дэмжээд 10,000 вон хандивын САГС -ны аянг явуулъя гэж бодож байна. Бүгдээрээ эдгээр шилдэг Монголын нэр нүүр болсон тамирчид, мөн дасгалжуулагчдаа дэмжээд Солонгос дахь Монголчуудын сэтгэлийн хандиваа хайрлаж тэдгээр хүмүүсд урам зориг уухайн түрлэгээр дэмжицгээе.

Жич: Солонгосд ажиллаж амьдарч буй Монгол хүмүүсийн санал санаачилгын дагуу энэхүү ажлыг зохион байгуулж байгаа болно. Солонгос дахь Монголчуудаа бүгдээрээ Монголын сагсан бөмбөгийн шигшээ багийг дэлхийн тавцанд өрсөлдөх анхдагч урам зориг нь болцгооё. IBK 010-8120-1227 TURI Энэхүү дансанд шилжүүлж болох бөгөөд нэр усаа маш сайн хэлж бичүүлнэ үү. Хандивыг тамирчид явахаас өмнө өөрийн биеэр Олимпын хотхонд очиж гардуулж Солонгос дахь Монголчуудынхаа сэтгэлийг дамжуулах болно. Утас 010-3101-9129