2014 он нь Азийн харилцаа холбооны салбарт их дуулиан, сенсаци авчирсан жил байсан талаар томоохон  мэдээллийн хэрэгслүүд тодотгосон байна. Тэгвэл  ямар  үйл  явдлууд сенсаци дэгдээгээд байгаа талаар сонирхлоо.

СЕНСАЦИ 1:  ALIBABA.com  сайтборлуултаараа тэргүүллээ

Хятадын онлайн худалдааныхамгийн том сайт гэгдэх alibaba.com–н зах зээлийн үнэлгээ 140  тэрбумам  долларт хүрч Amazon.com,ebay.com-ийг хол хаясан  байна.  Уг өсөлтөнд  Хятадын  эдийн  засгийн болон гар утас хэрэглэгчдийн өсөлтүүд  чухал  үүрэг  гүйцэтгэсэн гэж  дүгнэжээ. ALIBABA группийн  захирал  ноён  Жак  Ма  нь  хөрөнгө  оруулагчдыг төдийлөн өргөмжлөөд  байдаггүй бөгөөд “Бид  харилцагчдыг  нэгд,  ажилтнуудыг хоёрт, харин хөрөнгө оруулагчдыг  гуравт тавих болно” гэж хэлэх  дуртай  нэгэн.  Мөн тэрээр хэвлэлд өгсөн ярилцлагандаа “Энэ компанийг  хариуцан  ажиллаж байгаагийн хувьд Алибабагийн хувьцаа  эзэмшигчдэд  урт  хугацаанд  үр ашиг өгөхийн тулд  бид харилцагч нартаа тууштай үйлчлэх ёстой гэдэгт итгэдэг” хэмээн тодотгон хэлжээ.

СЕНСАЦИ 2: Хятадын тэргүүн хатагтайн селфи selfie олны анхаарлыг татлаа

2014 оны 3 сард Берлин хотноо болсон албан ёсны айлчлалын үеэр Хятадын тэргүүнхатагтай Пен Лиюан ZTE Корпорацийн шинэ Nubia брэндийн гар утсаар селфи хийжбайсан нь дэлхий нийтийн анхаарлыг татсан байна. Тэрээр энэ  үйлдлээ тайлбарлахадаа “Хятадын мөрөөдөл бол Хятадад үйлдвэрлэсэн  бүтээгдэхүүнийг хэрэглэхээс эхлэнэ” гэсэн байна. Түүний энэ уриалгын анхны бүтээгдэхүүн болох ZTE Корпорацийн Nubia ухаалаг утас нь 2013 оны 12 сарын 9-нд урьдчилсан захиалгаа зарласан ба нийтдээ 2,5 сая ширхэг захиалгыг   Хятадын томоохон онлайн худалдааны сайт болох JD.com-той хамтран авч чадсан нь шинэ рекордыг тогтоосон юм байна.

СЕНСАЦИ  3: LTE-4G сүлжээгээр Японы NTT Docomo шилдгээр шалгарлаа

Азийн  хамгийн  шилдэг  LTE-4G сүлжээгээр  үйлчилгээ  үзүүлэгч байгууллагаар Японы  оператор  NTTDocomo  шалгарсан байна. Тус оператор компани  нь  LTE-д  23,4  сая  иений хөрөнгө  оруулалт  хийсэн. Frost and Sullivan  олон  улсын  консалтинг, судалгааны корпораци нь 2014 оны ICT салбарын тэргүүлэгчдийг шалгаруулахдаа NTT Docomo-н Гүйцэтгэх захирал ноён Kaoру Kaтo-д “2014 оны Ази тивийн ICTкомпаниудын шилдэг гүйцэтгэх захирал” шагналыг гардуулсан байна.

СЕНСАЦИ 4: Huawei  компани хууль бусаар албан бичиг үйлдсэн нь олонд ил болов

Хамгийн бусармаг үйлдэл гаргасан  компаниар Хятадын  харилцаа холбооны тоног төхөөрөмж үйлдвэрлэгч Huawei компани орсон байна. www.southsudantribune.org сайтад мэдээлсэнээр Huaweiнь 2014 оны  10 дугаарсарын 3-ны  өдөр Бээжин дэх Хятадын Экспорт-Импорт Банкны ерөнхийлөгч ноён Хон Ли Ру руу Өмнөд Суданы Харилцаа, холбооны сайд ноён Майкл  Макуэй Лют-г төлөөлж хуурамч албан  бичиг  үйлдсэн  нь  илэрчээ. Уг  хуурамч  албан  бичигт  өрсөлдөгч  байгууллагынхаа хэрэгжүүлэхээр болсон Дижитал Телевизийн Төслийг хүчингүй  болгох, төслийн хэрэгжилтийг хойшлуулахыг хүссэн тухай дурдсан байна.  Уг  хэрэгтэй холбогдуулан  Өмнөд Суданы хууль хяналтын байгууллагаас Huawei-ын гүйцэтгэх захирал ноён Нан Чен-г эрэн сурвалжилж эхэлсэн байна. Энэ үйлдэл нь хоёр улсын төдийгүй цаашлаад олон  улсын хамтын ажиллагаанд сөрөгөөр  нөлөөлнө  гэж  хэвлэлийнхэн онцолсоноороо оны онцлох сенсацийн нэг болсон байна

СЕНСАЦИ  5:  Xiaomi  Inc компани  нь  хамгийн  их  амжилт  гаргасан байгууллагаар тодорчээ

ICT салбарт хамгийн богино хугацаанд хамгийн их амжилт гаргасан компаниар Xiaomi Inc тодорсон  байна. Уг  компани нь 2010 онд байгуулагдсан бөгөөд хэрэглэгчдэд хамгийн бага үнээр хамгийн сүүлийн  үеийн технологийн дэвшлүүдийг агуулсан ухаалаг  утсыг үйлдвэрлэдэг.  2014 онд л гэхэд 60 сая  ширхэг ухаалаг утсыг борлуулсан байна. Xiaomi  Inc компани нь байгуулагдсан цагаасаа эхлэн 46 тэрбум ам долларын хөрөнгийг босгож чадсанаараа оны онцлох дуулианд зүй ёсоор орсон байна.

Эх сурвалж: Zaluu.com