Гацууртын ордыг стратегийн ордын жагсаалтанд оруулж, 50 орчим тонн алт олборлох эсэх маргаанд эрх мэдэлтнүүд  ялалт байгуулах нь тодорхой болов бололтой, чадаж байгаа юманд арга байхгүй гэдэг шиг. Гэхдээ Сэлэнгэ аймгийн Мандал сумын иргэд мөчөөгөө өгөхгүй нь. Тус сумын  хэсэг нөхөд, “Дэлхийн Монгол-Ногоон нэгдэл” болон “Босоо хөх Монгол” төрийн бус байгууллагынхан  төрийн ордонг машинтай тойрч, олон нийтэд хандан чанга яригчаар “Гацууртын ордыг “Сентерра гоулд” компанид ашиглуулахгүй. Ноён уулаа аварна” хэмээн хашгирч үзлээ.  Тус нэмэр болох эсэхийг одоогоор таашгүй. Гэхдээ тэд нэг зүйлийг их тод хэлж байна. Юу гэвэл  “Сентерра гоулд” компанийн удирдлагууд Мандал сумын иргэдэд 5-10 сая төгрөг амласан” гэх  мэдээлэл ажээ. Энэхүү мэдээлэл нь олны анхаарлыг ихээхэн татаж байна. Энэ нь хахууль юм уу, халамж нэртэй авлига уу. “Босоо хөх Монгол” төрийн бус байгууллагынхны мэдэгдсэнээр  нутгийн иргэдээс дэмжлэг авах гэсэн “Сентерра гоулд”-ын амлаж буй авлига аж. Тус компанийн алт олборлох талбайд түүхийн үнэт өв, Хүннүгийн үеийн булш бунхан хадгалсан Ноён уул уул хараахан ороогүй ч энэ уулыг орон нутгийн хамгаалалтанд аваад байгаа тул иргэд нь тэр хавьд алт олборлохыг зөвшөөрөхгүй байгаа юм байна.

Б.Баяр

Эх сурвалж: Tumen.mn