Элэгний хорт хавдар хүрээгээ тэлсээр байгаа. Одоогоор элэгний “В”,  “С”  вирустэй хүний тоо 750 мянга гаруй болжээ. Өнгөрсөн онд хариуцсан яам, тамгынхан нь Америкаас өндөр үнэтэй эм оруулж ирэх гэлээ гээд бөөн хэрүүл маргаан дэгдэж байлаа.  Вирусын эсрэг эм  нь ойролцоогоор 80 гаруй мянган  ам.доллар юм байна.  Манайханд энэ нь арай хатуудсан үнэ ханш. Гэхдээ үүнийг 44 дахин хямдаруулах боломжтой болжээ. Эрүүл мэнд, спортын сайд Г.Шийлэгдамба эмийн журамд өөрчлөлт оруулна гэлээ. Ингэснээр элэгний вирусын эсрэг эмчилгээ   ойролцоогоор 1800 ам.долларт багтах юм байна. Тэрхүү эмийг оруулж ирэхэд гаалийн татвараас чөлөөлж, даатгалын хөнгөлөлт үзүүлэхээр яригдаж байгаа ажээ.

Б.Баяр

Эх сурвалж: Tumen.mn