100 чухал сэдэв нэвтрүүлгээр "Нарийн цариг болон улстөрчдийг эрлийз, хурлийзаар дуудаж" багагүй дуулиан дэгдээсэн билээ.
Энэ нэвтрүүлгийг санаачлагч, ивээн тэтгэгч нь УИХ-ын гишүүн , ҮХАА-н сайд асан Х.Баттулга. Тэрээр ч өөрөө үүнийгээ хүлээн зөвшөөрч, уран бүтээлчдэд буруугүй гэж мэдэгдсэн удаатай. Ямартай ч Херо энтертаймэнтийнхэнд үүсгэсэн хэргийг хэрэгсэхгүй болгожээ.
УИХ-ын гишүүн Х.Баттулга "Өдрийн сонин"-д ярилцлага өгөхдөө энэ талаар ярьжээ. Тэрээр "Ялгаварлан гадуурхсан зүйл байхгүй. Улстөрчид гарал үүслээ нуух хэрэггүй ээ гэсэн санаа байгаа. Хятадын гадаад бодлогын номлол, чиглэл нууц юм биш. Бүх л хөршүүдтэйгээ хилийн маргаантай. Хятадын дарга Энэтхэгт айлчлахад жагсаал хийж угтаж байна. Энэтхэгт ардчилал байна. Харин Азийн хамгийн ардчилсан улс гэдэг Монголд юу болов.
Сандраад, бажгадаад л. Ерөнхийлөгч хүртэл санаагаа чилээж, намайг өрөөндөө дуудаж загнав.Орост үндэсхэрхэг агуулгатай нэвтрүүлэг зөндөө л гардаг. Путин тоодоггүй.
