Монголын үр тариа эрлэгчдийн Газар тариалан холбооноос  Чингисийн талбайд жагсаал цуглаан хийлээ. Талбайд тариаланчдын комбайн ирсэн байлаа. Бусад теникүүдээ авчрах байсан ч өвлийн хүйтэнд зарим хүндрэл учирсан гэж тэд хэлж байв. Цуглааныг нээж  тус холбооны тэргүүн Л.Цандэлэг “Бид айлгах гэж жагсаагүй. Бид бас айхгүй” хэмээн үгээ эхэлсэн  юм. Тэрбээр төр засагт хүргүүлж буй шаардлагадаа “...Ч.Сайханбилэг Та Шийдлийн Засгийн газар байгуулсан даруйдаа гадаадаас их хэмжээний гурил /11.500 тонн/, улаан буудай /20.000 тонн/ импортлох шийдвэр гаргасан нь олон мянган  тариаланчдын хөдөлмөрийн үнэ цэн, ололт амжилтыг үнэгүйдүүлэх, Монголын ард түмний нийтлэг эрх ашгийг  хохироох уршигтай  шийдвэр хэмээн тариаланчид бид бухимдаж байна...” гэжээ. Иймээс тэд энэ шийдвэрээ цуцлахыг  шаардаж буй аж. Шаардлагыг  бүрэн эхээр нь нийтэллээ.

Б.Баяр

Эх сурвалж: Tumen.mn